Երևանի քաղաքապետի տեղակալ Լևոն Հովհաննիսյանը հոկտեմբերի 22-ից 25-ը ներառյալ կգործուղվի Թուրքիայի Կապադովկիա քաղաք: Այս մասին որոշումն ընդունել է քաղաքապետ Տիգրան Ավինյանը։  Հովհաննիսյանը կմասնակցի Կապադովկիա քաղաքում կայանալիք «Մշակութային ուղիներ» ծրագրի խորհրդատվական 14-րդ ֆորումին։ Հովհաննիսյանի բացակայության ընթացքում Երևանի քաղաքապետի տեղակալի պարտականությունների կատարումը կվերապահվի Երևանի քաղաքապետի տեղակալ Սարգիս Մադաթյանին:

ԿԳՄՍՆ բարձրագույն կրթության և գիտության կոմիտեն հանրային քննարկման է ներկայացրել «ՀՀ գիտության ոլորտի զարգացման 2026-2030 թվականների ռազմավարական ծրագիրը և դրա իրականացման միջոցառումների ժամանակացույցը հաստատելու մասին» ՀՀ կառավարության որոշման նախագիծը: ԿԳՄՍ նախարարությունից հայտնում են, որ նախագծով սահմանվում են գիտության ոլորտի զարգացման ռազմավարության սկզբունքները և հիմնական ռազմավարական նպատակները՝ հետազոտությունների գերազանցության խթանում, տնտեսական ազդեցության մեծացում, սոցիալական պատասխանատվության բարձրացում, վերակազմավորում …

Նուբարաշենի աղբավայրի կրակն ամբողջությամբ մեկուսացված է, տարածքը պատված է հողով։ Այս մասին Factor.am-ին տեղեկացնում են Երևանի քաղաքապետարանից։ Կառույցից հայտնում են, որ այս օրերին 1041 մեքենա հող է տեղափոխվել աղբավայր, այս պահին տարածքում տեսախցիկների տեղադրման նախապատրաստական աշխատանքներ են իրականացվում։ Դեպքի առթիվ նախաձեռնված քրեական վարույթ կա։ Այն հարուցվել է Քրեական օրենսգրքի 369-րդ հոդվածի 1-ին մասի հատկանիշներով (վտանգավոր …

Հոկտեմբերի 6-ից 13-ը մայրաքաղաքում իրականացված ծառայության ընթացքում Երևանի պարեկները հայտնաբերել են ճանապարհային երթևեկության կանոնների 5310 խախտում՝ պահպանվող հատուկ տարածք տեղափոխելով 159 ավտոմեքենա․ հայտնում են ՆԳՆ ոստիկանությունից։ Մասնավորապես, հայտնաբերվել է ոչ սթափ 198 վարորդ, առանց վարորդական իրավունքի վկայականի՝ 214 անձ։ Հայտնաբերվել է հաշվառման համարանիշի հետ կապված՝ 23, կեղծ հաշվառման համարանիշով երթևեկող՝ 1, չամրակապված վարելու՝ 1139, առանց …

«Ես այսօր հայտարարություն եմ անում հանցագործության մասին․ հանցագործություն է տեղի ունեցել մեր ժողովրդավարության, մարդու իրավունքների և բնապահպանության նկատմամբ»,- այսօր հայտարարեց բնապահպան-իրավաբան Նազելի Վարդանյանը՝ անդրադառնալով Արարատի մարզի Վեդի համայնքի Գինեվետ գյուղում այսօր հրավիրված հանրային լսումներին։ «Լսումները ազատ մասնակցության հիման վրա անցկացվող միջոցառում է, որտեղ յուրաքանչյուրը պետք է իր հարցը տա, իր կարծիքը արտահայտի։ Հարցեր տվեցինք, պատասխան …

«Հանրային լսումները դադարեցվել են կամայականորեն, պետք է անվավեր ճանաչվեն»,- Կարմիր սարի շահագործման թեմայով անցկացված հանրային լսման մասին կարծիք է հայտնում իրավապաշտպան Օլեգ Դուլգարյանը։ «Սկզբից մինչև վերջ փորձել ենք այնպես դրսևորվել, որպեսզի համայնքի բնակիչները խոսեն, չենք միջամտել, չենք խանգարել։ Այն մարդիկ, ովքեր դեմ էին արտահայտվում,անմիջապես տեղական իշխանությունների ներկայացուցիչների կողմից սաստվում էին, կարծես թե տեղական իշխանությունները ստանձնել …

Վարչապետ Նիկոլ Փաշինյանը Շարմ Էլ Շեյխում մասնակցում է Մերձավոր Արևելքի Խաղաղության գագաթնաժողովին։ ՀՀ կառավարությունից հայտնում են, որ միջոցառման շրջանակում վարչապետը կարճատև զրույցներ է ունեցել տարբեր երկրների առաջնորդների հետ:

Նախօրեին մարզային բնակավայրերից մեկը վթարային անջատման հետևանքով հոսանքազրկվել էր ավելի քան 6 ժամով․ այս մասին գրառմամբ տեղեկացրել է ՀԷՑ-ի տնօրենի ժամանակավոր պաշտոնակատար Ռոմանոս Պետրոսյանը ու հայտնել, որ միջադեպի համակողմանի վերլուծության արդյունքում ի հայտ եկած փաստերի հիմամբ աշխատանքից ազատվել է 5 անձ։ «Վթարի փաստի վերաբերյալ ՀԷՑ համապատասխան մասնաճյուղի կարգավարական ծառայության հերթապահ կարգավարը (диспетчер) պատշաճ գրանցում չի …

Շվեդիայի գիտությունների թագավորական ակադեմիան որոշել է Ալֆրեդ Նոբելի հիշատակին նվիրված տնտեսագիտության ոլորտում Շվեդիայի Ռիկսբանկի 2025 թվականի մրցանակը շնորհել Ջոել Մոկիրին, Ֆիլիպ Ագիոնին և Պիտեր Հոուվիտին: Նրանց Նոբելյան մրցանակը շնորհվել է «նորարարությունների վրա հիմնված տնտեսական աճի բացատրության համար»․ Մոկիրին՝ «տեխնոլոգիական առաջընթացի միջոցով կայուն աճի նախադրյալները բացահայտելու», Ագիոնին և Հոուվիտին համատեղ՝ «ստեղծագործական ոչնչացման միջոցով կայուն աճի տեսության …

Կանանց ռեսուրսային կենտրոն ՀԿ-ն հայտարարություն է տարածել, որով դատապարտել է մամուլի ասուլիսի ժամանակ ՀՀ երկրորդ նախագահ Ռոբերտ Քոչարյանի կողմից արված կնատյաց ​​արտահայտությունները։ «Բովանդակալից քաղաքական քննարկումների փոխարեն սեքսիստական ​​և կնատյաց լեզու օգտագործելը վկայում է մարդկային արժանապատվության սկզբունքների նկատմամբ խորը անհարգալից վերաբերմունքի մասին: Կանանց կամ նրանց սեռականությունը որպես վիրավորանքի կամ ծաղրի գործիք օգտագործելը քաղաքական քննադատություն չէ. դա …