Վազգեն Սարգսյանը և Կարեն Դեմիրճյանը կողմ էին Մեղրիով ճանապարհի բացմանը․ ահաբեկչությամբ կանխվեց դա՝ ՌԴ-ին ձեռնտու չէր․ Լևոն Բարխուդարյան. ՏԵՍԱՆՅՈՒԹ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

ՀՊՏՀ «Ամբերդ» հետազոտական կենտրոնի ավագ գիտաշխատող, ֆինանսների նախկին նախարար Լևոն Բարխուդարյանը Factor TV-ի տաղավարում անդրադարձել է 1999-ի հոկտեմբերի 27-ի ահաբեկչությանը, հայ-ռուսական հարաբերություններին և Հայաստանի արտաքին քաղաքականության դիվերսիֆիկացմանը:

Խոսելով 1999 թվականի Հոկտեմբերի 27-ի ողբերգության մասին՝ Բարխուդարյանը համոզմունք է հայտնել, որ կատարվածը խոշոր պետության ծրագիր էր։ «Ակնհայտ է, որ խոշոր պետություններից մեկի ծրագիրն էր, դա պատահական չէր, մինչև վերջ չեն բացահայտվել կազմակերպիչները: Մեծ մասը իրենք էլ չգիտեն ովքեր են»,- նշել է նա՝ հստակեցնելով, թե ում էր դա ձեռնտու․ «Դա ռուսական արտաքին հետախուզության կազմակերպված… օպերացիա էր»։

Որպես իր խոսքի հիմնավորում՝ բանախոսը հիշեցրել է ՌԴ հատուկ ծառայությունների նախկին աշխատակից Ալեքսանդր Լիտվինենկոյի հայտնի բացահայտումը։  

«…Խոստովանեց տարիներ անց Լիտվինենկոն, հիշո՞ւմ եք՝ իրենց արտաքին հետախուզության գործակալներից էր, որ փախավ Լոնդոն՝ Բերեզովսկու մոտ, հետո սպանեցին: Այ ինքը, երբ որ արդեն մահամերձ էր, ինքը ասեց, որ դա ռուսական արտաքին հետախուզության կազմակերպված… օպերացիա էր փաստորեն»,- նշել է Լևոն Բարխուդարյանը։

Ըստ բանախոսի՝ Ռուսաստանի նպատակն էր կանխել սահմանների բացումը և Արևմուտքի ազդեցության մեծացումը տարածաշրջանում։ Անդրադառնալով 1990-ականներին ԼՂ հարցի կարգավորման և Մեղրիով ճանապարհ տալու հնարավոր տարբերակներին՝ նա ընդգծել է, որ Վազգեն Սարգսյանն ու Կարեն Դեմիրճյանը «վերջին հաշվով համաձայն էին այդ տարբերակին»։ Բարխուդարյանը հավելել է նաև, որ ահաբեկիչների բուն թիրախը հենց այս երկու գործիչներն էին. «Երկու նպատակ կար, մնացածները ուղղակի պատահական զոհեր էին»։  

Համեմատականներ տանելով 90-ականների ճգնաժամային տարիների և ներկայիս տնտեսական ռիսկերի միջև (մասնավորապես՝ ռուսական գազի հնարավոր թանկացման դեպքում)՝ նախկին նախարարը հիշեցրել է. «Ամեն շաբաթ Վրաստանով եկող գազատարը պայթեցվում էր ադրբեջանցիների կողմից, որ Երևանում ընդամենը երկու ժամ էր լինում [գազ]… Ջեռուցում չկար, անտառներ էին հատում և այլն, բայց ապրեցինք, վերապրեցինք դա… Եվ մենք դիմակայեցինք»։

Անդրադառնալով Հայաստանի արտաքին տնտեսական քաղաքականությանը և դեպի Եվրոպա շուկաների դիվերսիֆիկացմանը՝ Բարխուդարյանը նշել է, որ թեև դա բարդ է, բայց հնարավոր է։

«Շատ ակտիվ աշխատանք պետք է անել: Սա գուցե նաև առիթ է արագացնելու այդ դիվերսիֆիկացիան: Դրանից պետք է օգտվել, և Եվրոպան պատրաստ է մեզ օգնել: Ուղղակի պետք է դիմել, նպատակային աշխատել, մեր արտահանողների հետ, ձեռնարկությունների հետ աշխատել, ստանդարտներին մոտեցնել… Դա անհնարին բան չէ, ինչ-ինչ դա երկու տարում հանգիստ հնարավոր է իրականացնել»,- եզրափակել է նա։

Հաղորդումն ամբողջությամբ՝ տեսանյութում։

Ռոբերտ Անանյան