10.06.2026 | 12:11
Վահագն Հովակիմյանի ճեպազրույցը՝ ՈՒՂԻՂ
Կրեմլը չի լսել Հնդկաստանի կողմից ռուսական նավթից հրաժարվելու մասին․ Պեսկով
Քաղաքականություն
03.02.2026 | 16:57
Ռուսական կողմը Հնդկաստանից որևէ հայտարարություն չի լսել Ռուսաստանից նավթի գնումները դադարեցնելու ծրագրերի մասին։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրում է Ինտեֆաքսը։
«Մենք դեռևս Դելիից որևէ հայտարարություն չենք լսել այս հարցի վերաբերյալ»,- ասել է նա ճեպազրույցի ժամանակ։
Մեկնաբանելով ԱՄՆ նախագահ Դոնալդ Թրամփի կողմից Հնդկաստանի հետ մաքսատուրքերի նվազեցման մասին գործարք կնքելու հայտարարությունը՝ ռուսական նավթ գնելուց հրաժարվելու դիմաց, Պեսկովն ասել է. «Մենք շատ ուշադիր հետևում ենք այս հարցի վերաբերյալ բոլոր նորություններին: Իհարկե, մենք ուշադիր հետևում ենք նախագահ Թրամփի հայտարարություններին, մանրամասն արձանագրում և վերլուծում ենք դրանք, և հարգում ենք ԱՄՆ-Հնդկաստան երկկողմ հարաբերությունները: Բայց մենք ոչ պակաս կարևորություն ենք տալիս Հնդկաստանի հետ մեր առաջադեմ ռազմավարական գործընկերության զարգացմանը, Ռուսաստանի և Հնդկաստանի միջև, մեզ համար դա ամենակարևորն է։ Եվ մենք մտադիր ենք շարունակել զարգացնել մեր երկկողմ հարաբերությունները Դելիի հետ բոլոր հնարավոր ձևերով, ինչն էլ անում ենք»:
Թարգմանությունը՝ Էմմա Չոբանյանի
