2024թ. Երևանում ընդհանուր առմամբ միջին նորոգման ծրագրով բարեկարգվում է ավելի քան 50 կմ ճանապարհ: Գործընթացն իրականացվում է շուրջ 50 փողոցներում: Զուգահեռաբար բարձրացվում են նաև դիտահորերը: Մանրամասները՝ տեսանյութում.  

Օգոստոսի 23-ին՝ ժամը 23:45-ին, Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վանաձոր-Ալավերդի ավտոճանապարհին այրվում է բեռնատար ավտոմեքենա․ տեղեկացնում են ՆԳՆ ՓԾ-ից։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ: Պարզվել է, որ հրդեհը բռնկվել է Volvo մակնիշի բեռնատար ավտոմեքենայի (վարորդ՝ Մ. Մ., ծնված 1986 թ․) …

Հայկական բարեգործական ընդհանուր միության նախագահ Պերճ Սեդրակյանը նամակ է հղել ԱՄՆ պետքարտուղար Էնթոնի Բլինքենին՝ կոչ անելով ապահովել Ադրբեջանում պահվող բոլոր հայ գերիների ազատ արձակումը։ ՀԲԸՄ նախագահի նամակում ասված է․ «Հարգելի՛ պետքարտուղար Բլինքեն, Որպես Հայկական բարեգործական ընդհանուր միության (ՀԲԸՄ)՝ աշխարհի խոշորագույն, շահույթ չհետապնդող համահայկական կազմակերպության (կենտրոնատեղին՝ Նյու Յորք) նախագահ՝ նախ և առաջ ցանկանում եմ երախտագիտություն հայտնել …

Պետք է կարողանանք հաղթահարել իրավունքի ժամանակակից արժեքներին հակասող կարծրատիպերը. Մարդու իրավունքների պաշտպան Անահիտ Մանասյանն օգոստոսի 23-ին հանդիպել է Ազգային ժողովի «Ամառային դպրոց» ծրագրի մասնակից դպրոցականների հետ: Հանդիպմանը մասնակցել է 51 երեխա Երևանից և ՀՀ տարբեր մարզերից: Պաշտպանը ներկայացրել է Մարդու իրավունքների պաշտպանի լիազորությունների շրջանակն ու աշխատանքների հիմնական ուղղությունները: Իր խոսքում Անահիտ Մանասյանն ընդգծել է նման …

ՆԱՏՕ-ի խորհրդարանական վեհաժողովի «Ռոուզ-Ռոթ» սեմինարին մասնակցելու համար ՀՀ Ազգային ժողովի «Քաղաքացիական պայմանագիր» խմբակցության պատգամավորներ Արուսյակ Ջուլհակյանն ու Վահագն Ալեքսանյանը կգործուղվեն Վարշավա (Լեհաստանի Հանրապետություն): Այս մասին տեղեկանում ենք ԱԺ նախագահի համապատասխան կարգադրությունից: Պատգամավորները Վարշավա կգործուղվեն սեպտեմբերի 15-18-ը:

ԱՄՆ նախագահ Ջո Բայդենը հեռախոսազրույց է ունեցել Ուկրաինայի նախագահ Վլադիմիր Զելենսկու հետ։ Զրույցի ընթացքում Բայդենը հայտարարել է Ուկրաինային ռազմական օգնության նոր փաթեթի մասին, հայտնել է Սպիտակ տանը․փոխանցում է glavnoe.in.ua-ն։ «Փաթեթը պարունակում է հակաօդային պաշտպանության հրթիռներ՝ Ուկրաինայի կարևորագույն ենթակառուցվածքը պաշտպանելու համար, հակաօդային սարքավորում և հակատանկային հրթիռներ՝ մարտադաշտում Ռուսաստանի փոփոխվող մարտավարությունից պաշտպանվելու համար, ինչպես նաև ռազմաճակատային զինամթերք …

Ձերբակալվել են «Հայոց համազգային միասնություն» կուսակցության փոխնախագահ Արարատ Ավետիսյանը և մամլո խոսնակ Հայկ Ստեփանյանը։ Հայտնում են կուսակցության ֆեյսբուքյան էջում: Նշվում է, որ ձերբակալվել են ՀՀՄ կուսակցության փոխնախագահ Արարատ Ավետիսյանը և մամլո խոսնակ Հայկ Ստեփանյանը։ «Տեղի ունեցածը գործող վարչախմբի կողմից «Հայոց համազգային միասնություն» կուսակցությանը «վախեցնելու» հերթական ապարդյուն փորձն է»,- ասվում է կուսակցության հաղորդագրությունում։

Ներկայացնում ենք Հայաստանի բանկերի կողմից գնվող և վաճառվող արտարժույթների փոխարժեքները օգոստոսի 24-ի դրությամբ՝ ըստ rate.am-ի: Ամերիկյան մեկ դոլարը գնվում է միջինը 385,19 և վաճառվում՝ 390,86 փոխարժեքով: Մեկ եվրոն գնվում է միջինը 424,75 և վաճառվում՝ 438,47 փոխարժեքով: Մեկ ռուսական ռուբլին գնվում է միջինը 4,11, վաճառվում՝ 4,50 փոխարժեքով։

Օգոստոսի 23-ին՝ ժամը 23:03-ին, Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Նուբարաշենի Ե-1 թաղամասի տներից մեկում հրդեհ է բռնկվել․ տեղեկացնում են ՆԳՆ ՓԾ-ից։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ և ԵՓՎ հրդեհաշիջման և փրկարարական աշխատանքների կազմակերպման բաժնի հերթապահ խումբը։ Հրդեհը մեկուսացվել է ժամը …

Փրկարար ծառայությունը տեղեկացնում է, որ ՀՀ տարածքում ավտոճանապարհներն անցանելի են։ Լարսի մասին Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։