21.10.2026 | 21:13
Տուգանքները խստացվում են. 5 հազարի փոխարեն 20 հազար դրամ՝ երկրորդ շարքում կայանելու համար. ՏԵՍԱՆՅՈՒԹ
Ծառերի սպա՞նդ, թե՞ բարեկարգում․ ինչ է կատարվել Գյումրիի Հաղթանակի զբոսայգում․ ՏԵՍԱՆՅՈՒԹ
Հասարակություն
21.10.2026 | 20:28
Գյումրու Հաղթանակի զբոսայգում բարեկարգման աշխատանքները դադարեցվել են ծառահատումների և տեխնիկական խնդիրների պատճառով։ Բնապահպանության և ընդերքի տեսչական մարմինը հայտնաբերել է 12 ծառի կոճղ, իսկ բուսական աշխարհին հասցված վնասը գնահատվել է 630 հազար դրամ։ Դեպքի առնչությամբ հաղորդում է ներկայացվել Քննչական կոմիտե։
Աշխատանքների ընթացքում ի հայտ են եկել նաև գետակի հունի կարգավորման և ստորգետնյա ջրերի հեռացման խնդիրներ։ Սկզբնական 86 միլիոն դրամ բյուջեն ավելացվել է, համայնքի ներդրումը հասել է 103 միլիոն դրամի։
Գյումրիի ավագանու ՔՊ խմբակցության քարտուղար Էդգար Բաղդասարյանն ասում է՝ իրենք չեն ցանկանում արհեստական լարվածություն ստեղծել, սակայն արձագանքել են առողջ ծառերի հատման վերաբերյալ մտահոգություններին։
Քաղաքապետին փոխարինող Ավետիս Առաքելյանը հայտարարել է, որ քաղաքապետարանն անօրինական գործողություններ չի իրականացրել։ Հատված ծառերի քանակը կպարզվի նախաքննությամբ։
Ծրագրի ավարտի վերջնաժամկետը դեկտեմբերն է, սակայն ձգձգումները մտահոգություններ են առաջացնում ժամանակին այն ավարտելու վերաբերյալ։ Մինչ այդ, զբոսայգու սահմանափակ հասանելիությունը խոչընդոտում է հետիոտնի ազատ տեղաշարժը։
Մանրամասները՝ տեսանյութում։
Հրաչ Սահակյան
