21.10.2026 | 18:30
ՀԱՊԿ գլխավոր քարտուղարը չի բացառել, որ Երևանը կարող է որոշել մնալ կազմակերպության կազմում
Դեռ ճշգրտման կարիք կա. Միրզոյանը` ՀՀ բեռների Ադրբեջանի տարածքով անցնելու ընթացակարգի մասին
Քաղաքականություն
21.10.2026 | 17:35
Դեռ ճշգրտման կարիք ունի՝ արդյոք Հայաստանի քաղաքացիներն Ադրբեջանի տարածքով անցնելիս օգտվելու են այն նույն ընթացակարգից, որը նախատեսվում է կիրառել ԹՐԻՓՓ-ի շրջանակում Հայաստանի տարածքով անցնողների համար։
Այս մասին լրագրողների հետ ճեպազրույցում Factor TV-ի հարցին ի պատասխան հայտարարեց արտաքին գործերի և միջազգային առևտրի նախարար Արարատ Միրզոյանը՝ պատասխանելով հարցին, թե արդյոք Հայաստանի քաղաքացիներն Ադրբեջանի տարածքով անցնելիս նույնպես օգտվելու են «ֆրոնտ օֆիս–բեք օֆիս» սկզբունքով կազմակերպվող սպասարկումից։
«Հետաքրքիր հարց եք բարձրացնում։ Կարծում եմ՝ այս հարցը, երևի, դեռ ճշգրտման կարիք ունի»,– պատասխանել է Միրզոյանը։
Միաժամանակ նա նշել է, որ բեռների նախնական հայտարարագրման մեխանիզմներ կարող են կիրառվել նաև այնտեղ։
Նախարարն անդրադարձել է նաև անցյալից եկող զգայուն հարցերին ու մարդկանց համար առկա հոգեբանական գործոններին։ Նրա գնահատմամբ՝ խաղաղության հաստատման, երկկողմ առևտրի և տարանցման հարցերում արձանագրվող առաջընթացին զուգահեռ փոփոխություններ են տեղի ունենում նաև այդ հարթությունում։
Մանրամասները` տեսանյութում։
Նարեկ Կիրակոսյան
