21.10.2026 | 15:52
ԹՐԻՓՓ-ի համաձայնագիրը դրական եզրակացություն ստացավ ԱԺ արտաքին հարաբերությունների մշտական հանձնաժողովում
«Վայ էն քաղաքական ուժին, որ մտածում է՝ իր անվտանգության սպառնալիքը մոլորված հովիվն է»․ Միրզոյան․ ՏԵՍԱՆՅՈՒԹ
Քաղաքականություն
21.10.2026 | 14:53
Ազգային ժողովի արտաքին հարաբերությունների մշտական հանձնաժողովի նիստում TRIPP-ի շրջանակային համաձայնագրի քննարկման ժամանակ ՀՀ արտաքին գործերի նախարար Արարատ Միրզոյանը անդրադարձավ ՀՀ սահմանն ադրբեջանցի հովվի կողմից հատելու մասին լուրի շուրջ մտահոգություններին։
Նշենք, որ մամուլում տեղեկություններ են տարածվել, թե Բերդի տարածքում ադրբեջանցի հովիվ է հայտնաբերվել։ Հայաստանի իրավապահ կառույցից հաստատում կամ հերքում այս դեպքի մասով դեռևս չկա։
«Վա՛յ, էդ քաղաքական ուժին, ով մտածում ա, որ իր անվտանգության սպառնալիքը մոլորված հովիվն ա։ Էդպիսի բաներ լինում են․ իրանց կողմից էլ հովիվ կարա մոլորվի, մեր կողմից էլ, և լինում ա։ Խաղաղության հաստատումից հետո էլ, առաջ էլ լինում են էդպիսի դեպքեր։ Եվ, փառք Աստծո, էդպիսի դեպքերին շատ կառուցողական են երկու կողմերն էլ վերաբերվում, օգնում են, վերադարձնում են»,- ընդգծեց Միրզոյան։
Միրզոյանը նշեց, որ կյանքում նման դեպքերից ամբողջությամբ խուսափել հնարավոր չէ, եթե կողմերը չեն գնում ամբողջական պատնեշներ շարելու ճանապարհով։
Մանրամասները՝ տեսանյութում։
Անի Թամրազյան
