Սև ծովից ակտիվ ցիկլոնի ներթափանցմամբ պայմանավորված սեպտեմբերի 19-ին հանրապետության մի շարք շրջաններում հնարավոր է թափվեն ամսական նորմայի չափ տեղումներ: Այս մասին գրառմամբ տեղեկացրել է «Հիդրոօդերեվութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը:  

ՀՀ քննչական կոմիտեի նախագահ Արթուր Պողոսյանը Չինաստանի Ժողովրդական Հանրապետության Լիանյունգան քաղաքում մեկնարկած Համաշխարհային հանրային անվտանգության համագործակցության 2025 թվականի համաժողովի շրջանակներում մասնակցել է Հանրային անվտանգության տեխնոլոգիաների ցուցահանդեսին, որտեղ ծանոթացել է չինական ոստիկանության կողմից օգտագործվող` քրեական վարույթների քննության, երթևեկության կառավարման, հակաահաբեկչական գործողությունների, հրամանատարության և կապի համակարգման նորագույն տեխնոլոգիաներին և արտադրանքին։ Այս մասին հաղորդագրություն է տարածել ՀՀ քննչական …

Սեպտեմբերի 19-ին, ժամը 05։33-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Բյուրական գյուղում այրվում է ավտոմեքենա։ Ինչպես տեղեկացնում են ՆԳՆ ՓԾ-ից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ հրդեհը բռնկվել է գյուղի 31-րդ փողոցի տներից մեկի մոտակայքում կայանած «Mercedes-Benz» մակնիշի ավտոմեքենայում: …

Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Կորեայի ձորի ճանապարհի հիմնանորոգման աշխատանքներով պայմանավորված, հաշվի առնելով քարաթափման վտանգը, օգոստոսի 19-ից ճանապարհը ժամանակավորապես փակ է երթևեկության համար։ Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ սեպտեմբերի 19-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Կենտրոն վարչական շրջան՝ 11:00-17:00 Տպագրիչների փ. 3, 5, 5ա 8 շենքեր և հարակից ոչ բնակիչ-բաժանորդներ, Հանրապետության փ. 62, 62ա, 69, 71, 79 շենքեր, Թումանյան փ. 11, 11ա, 33-41, 35ա, 35բ շենքեր, Թումանյան 2-րդ …

Սեպտեմբերի 18-ին աշխատանքային այցով Թբիլիսիում էր ՀՀ Կրթության, գիտության, մշակույթի և սպորտի նախարարի տեղակալ Արաքսյա Սվաջյանը։ Վրաստանում ՀՀ դեսպանությունից տեղեկացնում են, որ այցի շրջանակում փոխնախարարը հանդիպում է ունեցել վրացի գործընկերոջ՝ Վրաստանի կրթության, գիտության, երիտասարդության փոխնախարար Բաիա Կվիցիանիի հետ։ «Փոխնախարարներն անդրադարձան ՀՀ և Վրաստանի հանրակրթության ոլորտում իրականացվող բարեփոխումներին և հնարավոր համատեղ ծրագրերին»,- ասված է հաղորդագրությունում։

Սեպտեմբերի 18-ին Հաագայում՝ «Խաղաղության պալատում», տեղի է ունեցել Մշտական արբիտրաժային դատարանին ՀՀ անդամակցությանը նվիրված միջոցառում։ ԱԳՆ-ի փոխանցմամբ՝ միջոցառանը ներկա են գտնվել ՄՔԴ նախագահը, Նիդերլանդների արքունական, ԱԳՆ, Քիմիական զենքի արգելման կազմակերպության, Քարնեգի հիմնադրամի ներկայացուցիչներ, ինչպես նաև Հաագայում հավատարմագրված դիվանագիտական ներկայացուցչությունների ղեկավարներ։ Միջոցառմանը ելույթով հանդես են եկել նախարար Միրզոյանը, Դատարանի գլխավոր քարտուղարը, Դատարանի վարչական խորհրդի նախագահի պաշտոնակատար, …

Disney-ին պատկանող ամերիկյան ABC հեռուստաալիքը որոշել է դադարեցնել «Jimmy Kimmel Live» շոուի հեռարձակումը, այն բանից հետո, երբ աջակողմյան ակտիվիստ, ԱՄՆ նախագահ Դոնալդ Թրամփի աակից Չարլի Քըրքի սպանության վերաբերյալ հաղորդավարի մեկնաբանությունները հանգեցրել են ԱՄՆ հաղորդակցության ազգային կարգավորող մարմնի՝ Դաշնային հաղորդակցությունների հանձնաժողովի (FCC) նախազգուշացմանը, գրում DW-ի ռուսական ծառայությունը։ Ջիմի Քիմելը սեպտեմբերի 15-ի իր ուղիղ եթերի ժամանակ ասել …

Կասպիսկում ընթացող Մուհամեդ Ումախանովի անվան միջազգային մրցաշարում Հայաստանի մինչև 23 տարեկանների հավաքականը ապահովել է առնվազն 3 բրոնզե մեդալ։ Այս մասին տեղեկացնում են Հայաստանի բռնցքամարտի ֆեդերացիայից։ 63.5 կգ քաշային կարգում կիսաեզրափակիչ է դուրս եկել Մանվել Պետրոսյանը, 71 կգ-ում՝ Հարություն Հակոբկոխյանը, իսկ 75 կգ-ում՝ Մարատ Միքայելյանը։ Մեր հավաքականը այս մրցաշարին մասնակցում է բռնցքամարտի Հայաստանի ֆեդերացիայի նախագահ Հովհաննես …

ԱՄՆ նախագահ Թրամփը Մեծ Բրիտանիայի վարչապետ Քիր Սթարմերի հետ համատեղ մամուլի ասուլիսում հայտարարել է, որ պաշտոնը ստանձնելուց ի վեր իրեն հաջողվել է «լուծել» յոթ պատերազմ, որոնք «անլուծելի» էին և «անքննարկելի», գրում է BBC-ի ռւսական ծառայությունը։ Քանի որ ՆԱՏՕ-ի հունիսին կայացած գագաթնաժողովում դաշինքը իր վրա պարտավորություն էր վերցրել պաշտպանության վրա ծախսել իր ՀՆԱ-ի 5%-ը, Թրամփը հայտարարել …