Լևոն Վահրադյանը՝ թիմակիցների բերման ենթարկման և Արթիկում արձանագրված ընտրախախտումների մասին․ ՏԵՍԱՆՅՈւԹ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Արթիկ խոշորացված համայնքի ՏԻՄ ընտրություններում «Հայրենիք» կուսակցությունից առաջադրված 42-ամյա Լևոն Վահրադյանը հայտարարել է ընտրատեղամասերում արձանագրված բազմաթիվ խախտումների, կուտակումների և ուղղորդված քվեարկությունների մասին։

«Տեղամասեր կան, նույնիսկ ինչ-որ մեկը հեռախոսով ականջին դրած ֆռում է, ման է գալիս ու ասում է՝ «Ընտրեք համար այսինչին»։ Ու հարցնում են՝ «Ի՞նչ եք այստեղ անում», ասում է՝ «Ես ազատ մարդ եմ»»,- նշել է Վահրադյանը՝ ընդգծելով, որ նմանատիպ դեպքեր գրանցվել են Լուսակերտում, ինչպես նաև Արթիկի թիվ 5 դպրոցում տեղակայված ընտրատեղամասում։

Ըստ «Հայրենիք» կուսակցության թեկնածուի՝ իշխող ուժը մի շարք տեղամասերում ներսում ունեցել է մեկից ավելի վստահված անձինք, որոնք «պասերով» աշխատել են դրսի ներկայացուցիչների հետ։

«Բազմաթիվ տեղամասերից ահազանգ կա, որ երկու վստահված անձով են ներսում․ այսպես ասած՝ «պասերով», ներսից դուրս, դրսից ներս․․․ Հաստատ մեզ միանգամից չեն թողնի այդպես երկու վստահված անձ ունենանք, արդեն պարզ է, թե որ քաղաքական ուժն է»,- ասել է նա։

Անդրադառնալով նախօրեին իր թիմակիցների բերման ենթարկվելուն՝ Լևոն Վահրադյանը հայտնել է, որ ընդհանուր առմամբ բերման է ենթարկվել 5 անձ։ Նրա պնդմամբ՝ պատճառը եղել է անհիմն ձայնագրությունը, որտեղ «Հայրենիք» կուսակցության ավագանու թեկնածու Զեփյուռ Աբգարյանը ընդամենը դեղորայք է փոխանցել իր տարեց հարևանուհուն։

«Մեծ, տարեց կինը՝ Ալվարդ տատը, իր 20-25 տարվա հարևանն է․ դեղ է խնդրել, տարել է, քանի որ իր տղան դուրսն է․․․ Այդ անհիմն բանով մեզ շաբաթ օրը կազմակերպչական աշխատանքներից հեռու պահեցին»,- ընդգծել է Վահրադյանը։

Նրա փոխանցմամբ՝ Հակակոռուպցիոն կոմիտեն միջնորդել էր դատարանին՝ Զեփյուռ Աբգարյանին կալանավորելու համար, սակայն դատավորը մերժել է կալանքի միջնորդությունը՝ փաստերի բացակայության պատճառով։

«Փաստեր չկային որպես այդպիսին, և, ի պատիվ դատական համակարգի, տվյալ դատավորը արդարությունը պահեց»,- ասել է 42-ամյա թեկնածուն։

Վահրադյանի խոսքով՝ քննչական գործողությունները նպատակ են ունեցել խոչընդոտել իրենց նախընտրական աշխատանքները, քանի որ ինքն ամբողջ օրն անցկացրել է դատարանում և միայն կեսգիշերին է ազատ արձակվել։

«Սա կազմակերպչական առումով խանգարեց․ այսօրվա հետ կապված ժողով ունեինք հանձնաժողովի անդամների, նախագահների, վստահված անձանց հետ, որը ես պետք է անձամբ վարեի։ Սակայն չկարողացա, գիշերը ժամը 12-ին եմ եկել․․․ Եթե ոչ մի բան չկա որպես գործ քննելու, ուրեմն ճնշում է»,- նշել է նա։

Պատասխանելով այլ քաղաքական ուժերի հետ հնարավոր կոալիցիաների մասին հարցին՝ «Հայրենիք» կուսակցության թեկնածուն ընդգծել է, որ մինչ քվեարկության ավարտը որևէ քննարկում չեն ունեցել։

«Մինչև այսօր մենք այդ հարցը չենք քննարկել, որովհետև պետք է ունենանք մեր ընտրազանգվածի ձայների բաշխումը, որից հետո միայն առողջ ուժերի հետ, միանշանակ ժողովրդի պահանջով կայացնենք որոշում։ Սա անձնական խնդիր չէ, այլ մեր համայնքի բնակչության խնդիրն է»,- եզրափակել է Լևոն Վահրադյանը։

Մանրամասները՝ տեսանյութում։