11.06.2026 | 16:12
Իրանի ԱԳՆ հայտարարել է, որ ԱՄՆ-ի հարվածները հրադադարը «գործնականում անիմաստ են դարձնում»
Գործակալը հաստատել է, որ «Բարսելոնան» հետաքրքրված է եղել Էդուարդ Սպերցյանի ծառայություններով
02.04.2026 | 12:17
Պորտուգալացի հանրահայտ գործակալ Պաուլու Բարբոզան պատմել է, թե ինչու պորտուգալական «Պորտուն» ձեռք չի բերել Ռուսաստանի չեմպիոն «Կրասնոդարի» կիսապաշտպան Էդուարդ Սպերցյանին, ինչպես նաև հաստատել է, որ կատալոնական «Բարսելոնան» հետաքրքրված է եղել Հայաստանի ազգային հավաքականի ավագի ծառայություններով։
«Կան ակումբներ, որոնք խուսափում են խնդիրներից և չեն ցանկանում գործարքի մեջ մտնել ռուսական թիմերի հետ։ Օրինակ՝ «Պորտուն» ու «Բենֆիկան»։ «Պորտուն» հետաքրքրված էր Սպերցյանով, սակայն կարծում եմ, որ «Կրասնոդարի» պահանջած գումարը շատ մեծ էր այդ ակումբի համար։ Իսկ ահա «Բարսելոնայի» հետ գործարքը քննարկվում էր, այդ լուրերը համապատասխանում են իրականությանը։ Ի դեպ, եթե «Պորտուն» չեմպիոն դառնա այս մրցաշրջանում, ակումբը կունենա այլ բյուջե ու հնարավորություններ»,- գործակալի խոսքը մեջբերում է Sport24-ը։
Էդուարդ Սպերցյանը «Կրասնոդարի» սան է, գործող պայմանագիրը նախատեսված է մինչև 2029 թ․ հունիսի 30-ը։ Transfermarkt-ը 25 միլիոն եվրո է գնահատում 25-ամյա կիսապաշտպանի տրանսֆերային արժեքը։ Ընթացիկ մրցաշրջանում հայ ֆուտբոլիստը «Կրասնոդարի» կազմում անցկացրել է 31 հանդիպում, դարձել 12 գոլի ու 15 գոլային փոխանցման հեղինակ։
