03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Գերագույն հոգևոր խորհրդի անդամը՝ սինոդ ստեղծելու Պոլսո Հայոց պատրիարքի առաջարկի մասին․ ՏԵՍԱՆՅՈՒԹ
Քաղաքականություն
02.04.2026 | 12:21
«Սինոդը առաջին անգամ ստեղծել է, բնականաբար, Օսմանյան Թուրքիան, որպեսզի կարողանա ազգային եկեղեցին դարձնել կառավարելի, վերահսկելի», -այս մասին պետություն-ազգային եկեղեցի հարաբերությունների ներկա վիճակի առնչությամբ հրավիրված լսումների ժամանակ հայտարարեց արդարադատության նախկին նախարար, Գերագույն հոգևոր խորհրդի անդամ Գևորգ Դանիելյանը՝ անդրադառնալով Պոլսո պատրիարի՝ Գերագույն հոգևոր խորհրդի փոխարեն սինոդ ստեղծելու առաջարկին։
«Որտեղի՞ց է գալիս սինոդի գաղափարը։ Ոչ այն բովանդակությամբ, որ ձեզ ծանոթ է մեկ այլ կրոնական կառույցներից։ Հետո, բնականաբար, 1836 թվականին նույն այս ինստիտուտը կիրառեց նաև Ցարական Ռուսաստանը, որը ևս ձգտում էր որքան հնարավոր է ազգային եկեղեցին դարձնել վերահսկելի և կառավարելի։
Սինոդը չունի այն կազմակերպաիրավական հիմքերը և լիազորությունները, ինչ ունի Գերագույն հոգևոր խորհուրդը։ Կենտրոնաձիգ կառավարումը միշտ էլ գաղութատեր երկրների համար եղել է աքիլլեսյան գարշապար, և, բնականաբար, իրենք ձգտել են դա կյանքի կոչել սինոդի միջոցով։ Բայց հիմա, եթե մենք ենք սինոդ ուզում ստեղծել, նշանակում է՝ մենք իսկապես ուզում ենք եկեղեցին դարձնել կառավարելի, վերահսկելի։
Դրա մասին պետք է պարզ խոսել, այլապես օգտագործել տերմիններ, որոնք, իբրև թե, խնդրի հետ կապ չունեն, իրականում ուղղակի կապ ունեն»,- նշեց Դանիելյանը։
Մանրամասները՝ տեսանյութում։
