Ինչ տեսք ունի Մանվել Գրիգորյանի բռնագանձվող առանձնատունը. 9 անշարժ, 6 շարժական գույք. ՏԵՍԱՆՅՈՒԹ

Լուրեր

15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
15.11.2026 | 16:36
Դատավորների նկատմամբ քրեական հետապնդում է հարուցվել
15.11.2026 | 16:16
Նոյեմբերի 20-ից Սևանա լճում կարգելվի սիգի արդյունագործական որսը
15.11.2026 | 15:23
ՀՀ ԱԳՆ-ն շնորհավորել է Պաղեստինին Անկախության օրվա առթիվ․ արձագանքել է նաև Իրանի դեսպանությունը
Բոլորը

Դատարանը որոշել է՝ Մանվել Գրիգորյանի ժառանգներից Հայաստանի Հանրապետության օգտին բռնագանձվելու է 9 անշարժ և 6 շարժական գույք։ Անշարժ գույքի արժեքը 811 միլիոն դրամ է։ Բնագանձվող գույքերից մեկն էլ Վաղարշապատի կենտրոնական փողոցում գտնվող մի շենք է, որտեղ այս պահին գործում է Մանվել Գրիգորյանի անվան թանգարանը։

Գեներալ Մանվել Գրիգորյանի անվան թանգարանի մուտքն անվճար է, բայց ո՛չ նկարահանման համար։ Դրսից տեսանելի է միայն նրա մեծադիր լուսանկարը։ Թանգարանի գիդ ներկայացած անձն անհավատալի է համարում դատարանի որոշումը. ինչպե՞ս կարելի է գեներալի հուշերը բռնագանձել։

Մանվել Գրիգորյանի ժառանգներից ընդհանուր բռնագանձվելու է 1 մլրդ 200 մլն դրամի գույք և դրամական միջոցներ։ Վաղարշապատցի այս տղամարդը, որ գեներալի հետ առնչվելու դառը փորձ ունի, հարցնում է՝  միայն թվարկվա՞ծն է բռնագանձվելու։

«Եթե մնացորդ կա, դա էլ պետք է վերցնեն»,- ասում է նա։

Նախորդ տան շքեղությանն էականորեն զիջող ևս մեկ առանձնատուն Էջմիածնի Վազգեն Սարգսյանի փողոցում է։ Տարածքի բնակիչներից Factor TV-ին փոխանցեցին, որ այստեղ Գրիգորյանների վարորդն է ընտանիքով բնակվում։ Այն ևս անցնում է պետությանը։

Բռնագանձվող ևս մեկ առանձնատուն Էջմիածնի Չարենցի թաղամասում է։ Այն կիսակառույց է, կառույցին կից առկա է նաև հողամաս։ Տարածքում շինարարական տեխնիկա կար, սակայն մեր նկարահանման պահին այն չէր աշխատում։

Վաղարշապատի Արամ Մանուկյան թաղամասում է կիսակառույց ևս մեկ առանձնատուն։ Այն ընդգրկված է դատարանի վճռով բռնագանձման գույքերի ցանկում։ Ամբողջ հողատարածքը պարսպապատ է։

Եվս մեկ կիսակառույց Մանվել Գրիգորյանի ծննդավայր Արշալույս գյուղում է։ Այս շինության հետ միասին բռնագանձվում է նաև նույն բնակավայրում գտնվող չորս հողամաս։ Գրիգորյանների ընտանիքին պատկանող ևս մեկ հողամաս պետությանն է անցել Հրազդան քաղաքում։

Հիշեցնենք՝ 2018 թվականին տեղի ունեցած իշխանափոխությունից հետո ԵԿՄ նախագահ, ԱԺ ՀՀԿ-ական պատգամավոր Մանվել Գրիգորյանն առաջիններից էր, որ հայտնվեց իրավապահների ուշադրության կենտրոնում։

ԱԱԾ-ն խուզարկություն իրականացրեց Մանվել Գրիգորյանին պատկանող տարածքներում, որի ժամանակ հայտնաբերեց զենք-զինամթերք, ինչպես նաև 2016 թվականի ապրիլյան պատերազմի օրերին զինվորներին ուղարկելու համար նախատեսված սնունդ, հագուստ, դեղորայք և այլ պարագաներ։ ԱԱԾ-ի հրապարակած նյութերում կային նաև «Զինվորի բաժին» մակնշմամբ պահածոներ։ Քննության վարկածով՝ զինվորներին նախատեսված օգնության մի մասը յուրացվել էր։

Դատարանը վճռեց Մանվել Գրիգորյանից հօգուտ ՀՀ պետական բյուջեի բռնագանձել շուրջ 1 մլրդ 800 մլն դրամ, 8 ավտոմեքենա։ Բացի այդ, «Զինվորի բաժին» մակնշմամբ շուրջ 8 հազարի հասնող մթերք, հանդերձանք, դեղորայք ԵԿՄ-ին փոխանցելու որոշում կայացվեց, իսկ ՊՆ-ի տնօրինմանը՝ մի քանի տասնյակ հազարի հասնող զենք և զինամթերք։

Այս գործով 2023 թվականի նոյեմբերի 27-ին Երևանի ընդհանուր իրավասության քրեական դատարանը Մանվել Գրիգորյանին մեղավոր ճանաչեց առաջադրված մեղադրանքներով։

Գրիգորյանը 2020 թվականի նոյեմբերի 19-ին մահացավ և նրա նկատմամբ պատիժ չնշանակվեց։ Նույն գործով անցնող նրա կինը՝ Նազիկ Ամիրյանը, դատապարտվեց ազատազրկման, բայց  համաներմամբ ազատ արձակվեց։

Մանրամասները՝ տեսանյութում։

Նարեկ Կիրակոսյան