Հայաստան բերված սանիտարական ուղղաթիռի շահագործման ժամանակացույցն առայժմ հայտնի չէ: Այս մասին Factor.am-ի հարցմանն ի պատասխան փոխանցում են առողջապահության նախարարությունից: «Արտագնա անհետաձգելի բժշկական օգնության «Արագ արձագանքման» ծառայության կողմից ուղղաթիռով պացիենտի տեղափոխման գործընթացի կազմակերպումը գտնվում է քննարկման փուլում և մեկնարկի հստակ ժամկետներ չկան»,- ասված է մեզ փոխանցված պատասխանում: Սանիտարական ուղղաթիռը ձեռք է բերվել «Էյրբաս» ընկերությունից, գնորդը հանդիսանում …

Հայաստանի Հանրապետության Վայոց ձորի, Սյունիքի մարզերում և Արցախում մարտի 8-ի ցերեկը սպասվում են տեղումներ՝ լեռնային և նախալեռնային շրջաններում՝ ձյան, հովտային շրջաններում՝ անձրևի տեսքով: Մարտի 9-13-ը սպասվում է առանց տեղումների եղանակ: Քամին՝ հյուսիս-արևմտյան՝ 3-8 մ/վ: Օդի ջերմաստիճանը 9-11-ն աստիճանաբար կբարձրանա 6-7 աստիճանով: Ինչպես տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, Երևան քաղաքում մարտի …

Իրավաբանական գիտությունների դոկտոր, Սահմանադրական դատարանի (ՍԴ) դատավորի թեկնածու Գոռ Հովհաննիսյանը Factor.am-ի հետ զրույցում չհամաձայնեց, որ գործող Սահմանադրությունը սուպերվարչապետական է։ «Այդքան էլ այդ կարծիքին չեմ, որ սա սուպերվարչապետական Սահմանադրություն է»,-ասաց Հովհաննիսյանը՝ շարունակելով. «Ամեն ինչ նախ կախված է նրանից, թե ինչպես է մեկնաբանվում ու կիրառվում Սահմանադրությունը: Դա պայմանավորված է լինելու նաև Սահմանադրության ճիշտ մեկնաբանմամբ ու ճիշտ կիրառմամբ»: …

Թուրքիայի խորհրդարանի հայ պատգամավոր Կարո Փայլանը Twitter-ի իր էջում ցավակցություն է հայտնել Պոլսո Հայոց պատրիարք, արք․ Մեսրոպ Մութաֆյանի մահվան կապակցությամբ։ «Նա մեր հիշողության մեջ կմնա որպես անմոռանալի հոգեւոր առաջնորդ։ Թող խաղաղությամբ ննջի։ Ցավակցություններս»։  

ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ մարտի 8-ին՝ ժամը 17:00-ի դրությամբ, Արթիկ-Ալագյազ ճանապարհահատվածում բուք է: Վարդենյաց լեռնանցքը դժվարանցանելի է մարդատար մեքենաների համար, իսկ ծանրաքաշ և կցորդիչով տրանսպորտային միջոցների համար փակ է: Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ: ՀՀ միջպետական և հանրապետական նշանակության մյուս ավտոճանապարհները բաց են:

Մարտի 8-ին Երևանում տեղի ունեցան քաղաքական խորհրդակցություններ Հայաստանի և Նիդերլանդների արտաքին գործերի նախարարությունների միջև: Հայկական պատվիրակությունը գլխավորում էր ԱԳ նախարարի տեղակալ Ավետ Ադոնցը, հոլանդականը՝ Նիդերլանդների ԱԳ քաղաքական հարցերով գլխավոր փոխտնօրեն Պետր Յան Կլայվեգ դե Զվանը (Pieter Jan Kleiweg de Zwaan): Խորհրդակցությունների ընթացքում զրուցակիցները քննարկեցին հայ-հոլանդական երկկողմ քաղաքական օրակարգի հարցերի լայն շրջանակ, մտքեր փոխանակեցին առևտրատնտեսական և …

«Հայ ականազերծողի վիրավորում ստանալը չի արդարացնում այն բացասական սպասումները, որ կային Սիրիա հումանիտար առաքելություն ուղարկելու հետ կապված»,- Factor.am-ի հետ զրույցում ասաց քաղաքական վերլուծաբան Հակոբ Բադալյանը՝ հիշեցնելով, որ նախկինում ևս միջազգային առաքելությունների ընթացքում գրանցվել է հայ մասնակցի վիրավորվելու դեպք: «Այդպիսի մասնակցություններն ընդհանրապես ենթադրում են այդպիսի վտանգներ, և սրանում է նաև ամբողջ լրջությունը և խնդրահարույց լինելն այսպիսի …

Արցախի Հանրապետության Նախագահ Բակո Սահակյանը մարտի 8-ին այցելել է Շուշի քաղաք, որտեղ աշխատանքային խորհրդակցություն է հրավիրել շրջվարչակազմի ղեկավարության հետ: Ինչպես տեղեկացրին Արցախի Հանրապետության նախագահի աշխատակազմի տեղեկատվության գլխավոր վարչությունից, քննարկվել են Շուշիի շրջանի սոցիալ-տնտեսական զարգացմանը վերաբերող տարբեր հարցեր: Նախագահը կոնկրետ հանձնարարականներ է տվել շահագրգիռ մարմինների ղեկավարներին՝ քննարկված հարցերի պատշաճ լուծման ուղղությամբ:

ՀՀ սփյուռքի նախարարի պարտականությունները կատարող Բաբկեն Տեր-Գրիգորյանը ցավակցել է Մեսրոպ արքեպիսկոպոս Մութաֆյանի մահվան կապակցությամբ: Այս մասին հայտնում են նախարարության լրատվական բաժնից: Ցավակցական խոսքում ասված է. «Սրտի խորը ցավով տեղեկացա, որ Ստամբուլի Սուրբ Փրկիչ Ազգային հիվանդանոցում իր մահկանացուն է կնքել Թուրքիո Հայոց պատրիարք ամենապատիվ Տ. Մեսրոպ արք. Մութաֆյանը: 1998 թվականից լինելով Պոլսի հայոց 84-րդ գահակալը, հայ …

Քաղաքականության հետ այս կամ այն կերպ առնչվող կանայք այսօր՝ մարտի 8-ին կանանց խնդիրների մասին խոսեցին, բանավիճեցին և եկան եզրահանգման՝ մեր երկիրը շարունակում է մնալ տղամարդակենտրոն, որի պատճառը դաստիարակությունն է: «Պետք է մտածել տղամարդուն դաստիարակելու մասին, քանի որ նրանց դաստիարակում են կանայք՝ մայրիկները, տատիկները և հիմնական ավանդական շեշտադրումներով: Դրա հետևանքով էլ մենք ունենում ենք այսպիսի քննարկումներ»,- …