07.10.2026 | 23:48
Արթուր Դանիելյանը կալանավորվեց
ԿԲ-ն հեղափոխությունից հետո 10 ավտոմեքենա է կրճատել. Ջավադյանին հիշեցրին նախկին խոսքերը. ՏԵՍԱՆՅՈՒԹ
Տնտեսություն
03.06.2019 | 18:16
«Այո՛, կրճատվել են: Հենց հիմա հաջորդ փուլն է ընթանում, և մենք, կարծեմ, մոտ 10 մեքենա վաճառում ենք»,- այսօր ԱԺ-ում լրագրողների հետ զրույցում հայտարարեց Կենտրոնական բանկի նախագահ Արթուր Ջավադյանը՝ անդրադառնալով ԿԲ-ի մեքենաների թվի մասին հարցին:
Ըստ նրա՝ դրանք ավտոբուսներ և միկրոավտոբուսներ են, որոնք սպասարկում են ԿԲ աշխատակիցներին. ՀՀ տարբեր մարզերում ԿԲ-ն կանխիկ դրամի կենտրոններ ունի և աշխատակիցների համար փոխադրամիջոցների անհրաժեշտություն կա:
Դիտարկմանը, որ ԿԲ-ն 31 ավտոմեքենա ունի, և եթե տեղ կար կրճատելու, ինչո՞ւ նախկինում չէր արվում, Ջավադյանը պատասխանեց. «Ցանկացած տեղում կրճատելու տեղ կա, կարելի է աշխատակիցներին էլ կրճատել»:
Հարցին՝ ղեկավար կազմին սպասարկող ավտոմեքենաները մնալո՞ւ են, Արթուր Ջավադյանը պատասխանեց. «Խորհրդի անդամների մեքենաները մնալու են, բայց եթե ուշադիր լիենք, մի քանին օրից ներկայացնելու ենք ծախսերը և եկամուտները, այնտեղ կտեսնեք, որ բավական կրճատվել են այդ մասով մեր ծախսերը»:
Մանրամասները՝ տեսանյութում:
Նարեկ Կիրակոսյան
