08.11.2026 | 19:34
Արարատ Միրզոյանը նոյեմբերի 9-ին աշխատանքային այցով կմեկնի Էստոնիա
Միլանում մեկնարկել է «խավիարային դիվանագիտության» գործում ներգրավված Լուկա Վոլոնտեի դեմ դատավարությունը
Քաղաքականություն
03.06.2019 | 19:06
Միլանի Արդարադատության պալատում այսօր մեկնարկել է Եվրոպայի խորհրդի իրավական և մարդու իրավունքների հարցերով խորհրդարանական հանձնաժողովի նախկին նախագահ Լուկա Վոլոնտեի գործով դատական նիստը: Նա մեղադրվում է 2013-ի հունվարին Ադրբեջանում քաղբանտարկյալների մասին զեկույցի տապալման նպատակով ԵԽԽՎ պատգամավորներին կաշառելու համար Ադրբեջանի իշխանություններից 2.3 մլն եվրո ստանալու մեջ: Այս մասին տեղեկանում ենք ադրբեջանական լրատվամիջոցներից:
Մեղադրող կողմից դատական գործընթացում որպես փորձագետ ներգրավված է ԵՄ-ում Ադրբեջանի ներկայացուցչության նախկին ղեկավար, Եվրոպական խորհրդրում մշտական ներկայացուցիչ Արիֆ Մամեդովը: Անվտանգության նկատառումներից ելնելով՝ Մամեդովն Իտալիայի իրավապահ մարմինների կողմից ուժեղացված հսկողության ներքո է: Դատարանի շրջակայքում ևս անվտանգության խստացված միջոցառումներ են: Իտալացի պատգամավոր Լուկա Վոլոնտեն «Կայունության եվրոպական նախաձեռնություն» միջազգային ՀԿ-ն հետաքննող «խավիարային դիվանագիտություն» միջազգային սկանդալի մասնակիցներից է: 2016 թվականին Միլանի դատախազությունը նրան մեղադրանքներ էր առաջադրել և հետաքննություն սկսել:
Նելլի Մելքոնյան
