Շախմատի Եվրոպայի մինչև 18 տարեկանների թիմային առաջնության չորրորդ տուրում Հայաստանի հավաքականը 2.5:1.5 հաշվով հաղթել է Լեհաստանի թիմին: Հայաստանի թիմին հաղթական միավոր է բերել միջազգային վարպետ Բենիկ Ագասարովը: Միջազգային վարպետ Վահե Սուքիասյանի, ՖԻԴԵ-ի վարպետներ Վաչե Հովակիմյանի և Ռուդոլֆ Փաշիկյանի պարտիաներն ավարտվել են ոչ-ոքի արդյունքով։ Հայաստանի Մ-18 հավաքականը 10 միավորով բաժանում է 4-6-րդ տեղերը: Հաջորդ խաղափուլում հայ …

Հայաստանի Հանրապետության գլխավոր դատախազությունից հայտնում են, որ դատախազ Աննա Վարդապետյանը բավարարել է Մոլդովայի Հանրապետության իրավասու մարմնի միջնորդությունը. անօրինական միգրացիայի կազմակերպման համար մեղադրվող՝ հետախուզման մեջ գտնվող Ա.Կ.-ն հանձնվել է Մոլդովայի իրավասու մարմիններին:

ԱՄՆ զինված ուժերը հայտարարել են, որ Իրանի վրա հարվածների վերջին ալիքն են իրականացրել, որը տևել է երկու ժամ։ Հարվածներ են հասցվել տասնյակ թիրախների։ Վաշինգտոնը սա որակել է որպես «հզոր պատասխան» Մերձավոր Արևելքում ամերիկյան ուժերի ուղղությամբ մեկ օր առաջ արձակված իրանական հրթիռներին։ Մասնավորապես, ԱՄՆ Կենտրոնական հրամանատարությունը (CENTCOM) հայտնել է, որ ավարտել են Իրանի դեմ «հարվածների ծանր …

ՀՀ կառավարության պահուստային ֆոնդից 178 մլն դրամ է հատկացվելու «Վարչաֆեստ 2026» երիտասարդական երաժշտական մրցույթ-փառատոնի կազմակերպման և անցկացման նպատակով։ Փառատոնը կանցկացվի Սևանա լճի ափին։ ԿԳՄՍ նախարարության հիմնավորմամբ՝ նպատակն է բացահայտել ու խրախուսել երիտասարդ երաժշտախմբերին, զարգացնել կենդանի երաժշտությունը, խթանել ներքին զբոսաշրջությունը և ձևավորել ամենամյա մշակութային միջոցառում։ Նարեկ Կիրակոսյան

Ուկրաինական անօդաչու թռչող սարքերը հուլիսի լույս 30-ի գիշերը հարվածել են ՌԴ Պենզայի մարզում և Ուդմուրտիայում գտնվող Wildberries-ի պահեստներին, հայտնել է ընկերությունը, գրում է Meduza-ն։ Հարձակումների հետևանքով հրդեհվել են Պենզայի մոտակայքում գտնվող Մաստինովկա գյուղում և Սարապուլում ընկերության լոգիստիկ կենտրոնները։ Wildberries-ը հայտարարել է, որ պահեստներից տարհանել է աշխատակիցներին օդային հարձակման տագնապի հայտարարությունից հետո: Պենզայում պահեստի վրա հարձակման …

Բաքվում մինչև 17 տարեկանների ըմբշամարտի առաջնությունում աշխարհի չեմպիոն դարձած Ջանես Նազարյանն ադրբեջանական լրատվամիջոցների հետ զրույցում ասել է, որ Հայաստանի հավաքականը գոհ է առաջնության կազմակերպչական աշխատանքներից և ընդունելությունից։ «Մենք շատ լավ տրամադրություն ունենք։ Մեզ այստեղ  շատ ջերմ են դիմավորել։ Մրցաշարը լավ է կազմակերպված, բարձր մակարդակով, իսկ մասնակիցները բավականին ուժեղ էին։ Ուրախ եմ, որ հաղթեցի»,- ասել է …

Ներկայացնում ենք Հայաստանի փոխանակման կետերի կողմից գնվող և վաճառվող արտարժույթների փոխարժեքները հուլիսի 30-ի դրությամբ՝ ըստ rate.am-ի: Ամերիկյան մեկ դոլարը գնվում է 363 դրամ փոխարժեքով, վաճառվում՝ 366 դրամ փոխարժեքով: Մեկ եվրոն գնվում է 413 դրամ փոխարժեքով, վաճառվում՝ 417 դրամ փոխարժեքով: Մեկ ռուսական ռուբլին գնվում է 4,30 դրամ փոխարժեքով, վաճառվում՝ 4,50 դրամ փոխարժեքով։

Փրկարար ծառայությունը տեղեկացնում է, որ ՀՀ տարածքում ավտոճանապարհներն անցանելի են։ Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։

Համայնքային ոստիկանության Նոր Նորքի բաժնի կողմից որպես անհետ կորած որոնվում է 2012թ. ծնված Վահե Ապիկյանը։ Հուլիսի 29-ի առավոտյան նա դուրս է եկել Բաղյան փողոցի իր բնակարանից և չի վերադարձել: Այս մասին հայտնում է ՆԳՆ ոստիկանությունը։ Նրա գտնվելու վայրի վերաբերյալ տեղեկություններ ունեցողներին ՆԳՆ-ից խնդրում են դիմել ոստիկանության մոտակա բաժին կամ զանգահարել 112։

Շիրակի մարզի բնակիչներին տեղեկացվում է, որ 2026 թվականի հուլիսի 30-ին՝ ժամը 07:00-ից, Ախուրյան, Կամո և Շիրակ բնակավայրերի հարակից տարածքներում նախատեսվում են օդային (ավիացիոն) քիմիական սրսկման աշխատանքներ։ Աշխատանքներն իրականացվելու են մորեխների դեմ պայքարի նպատակով։ Բնակիչներին հորդորում են սրսկման օրը պահպանել անվտանգության անհրաժեշտ կանոնները՝ մեղվաընտանիքները ժամանակավորապես տեղափոխել կամ պահել անվտանգ վայրում, գյուղատնտեսական կենդանիներին չտանել սրսկվող տարածքներ արածեցման, …