Երեկ՝ փետրվարի 24-ին, հրազենի օգտագործմամբ սպանություն է տեղի ունեցել Կոտայքի մարզում, հայտնում է Shamshyan.com-ը։ Ժամը 19:50-ին Ոստիկանության Կոտայքի բաժին ահազանգ է ստացվել, որ Աբովյան-Ջրվեժ ավտոճանապարհի «Ծիրանի» ռեստորանային համալիրի հարևանությամբ գտնվող դաշտում տղամարդու դի կա: Դատաբժշկի նախնական եզրակացության համաձայն՝ մահացածի մարմնի վրա կա հրազենային 2 վնասվածք: Ըստ աղբյուրի՝ մահացածի մարմինն ամբողջությամբ դաջված է քրեական աշխարհի խորհրդանիշներով՝ ութանկյուններով։ …

Վրաստանի ենթակառուցվածքների նախարարության ճանապարհային դեպարտամենտից ՀՀ տրանսպորտի, կապի և տեղեկատվական տեխնոլոգիաների նախարարությանը տեղեկացնում են, որ փետրվարի 25-ին՝ ժամը 10:00-ի դրությամբ, Ստեփանծմինդա–Լարս ավտոճանապարհը բաց է տրանսպորտային բոլոր միջոցների համար:

ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ փետրվարի 25-ին՝ ժամը 09:30-ի դրությամբ, Վարդենյաց լեռնանցքը տրանսպորտային բոլոր միջոցների համար դժվարանցանելի է: ՀՀ միջպետական և հանրապետական նշանակության բոլոր ավտոճանապարհները բաց են:

Լոնդոնի «Արսենալի» կիսապաշտպան Հենրիխ Մխիթարյանը գոլի ու գոլային փոխանցման հեղինակ դարձավ «Սաութհեմփթոնի» դեմ անգլիական Պրեմյեր լիգայի 27-րդ տուրի  խաղում. գրում է sport.news.am-ը: Լոնդոնում ընթացող հանդիպման 6-րդ րոպեին Հայաստանի ազգային հավաքականի ավագը գոլային փոխանցում կատարեց ֆրանսիացի հարձակվող Ալեքսանդր Լյակազեթին, իսկ 17-րդ րոպեին հաշիվը դարձրեց 2:0: Ընթանում է առաջին խաղակեսը: Անգլիայի ընթացիկ առաջնությունում 30-ամյա Մխիթարյանն անցկացնում է 15-րդ հանդիպումը …

Իրանի ռազմածովային ուժերը առաջին անգամ թևավոր հրթիռ են արձակել ստորջրյա դիրքում գտնվող «Գադիր» սուզանավից. հայտնում է РИА Новости-ն: «Սուզանավը կարող է նկատվել հակառակորդի կողմից արձակման պահին, իրանցի փորձագետներն առաջին անգամ թևավոր հրթիռի արձակումն իրականացրել են մեծ խորությունից»,- ասված է Իրանի բանակի հայտարարության մեջ: Իրանի ռազմածովային ուժերի «Վելայաթ 97» լայնամասշտաբ ուսումնավարժանքներն ուրբաթ մեկնարկել են Հորմուզի նեղուցում:

ՀՀ վարչապետ Նիկոլ Փաշինյանը մասնակցել է «Քաղաքացիական պայմանագիր» կուսակցության 4-րդ համաժողովին ու հանդես է եկել ելույթով: Վարչապետի խոսքով` «Քաղաքացիական պայմանագրի» գաղափարախոսությունն ամբողջությամբ ընկած է մեկ նախադասության մեջ. «Սույն պայմանագրի մասնակիցներն ընդունում են, որ անհատի վերափոխումը հանրային վերափոխման կարևորագույն միջոց է, պայմանագրին իրենց միանալու պահը համարում են մի զրոյական հաշվարկային կետ, որից յուրաքանչյուրը սկսում է հանրային վերափոխման …

Սամվել Բաբայանի գրասենյակը պատասխանել է Դավիթ Բաբայանի՝ ԶԼՄ-ներից մեկին ասված այն հայտարարությանը, ըստ որի՝ «որևէ մեկը չի կարող լինել օրենքից բարձր, ու Արցախի իշխանությունները չեն խոչընդոտում սահմանադրական փոփոխություններ իրականացնելու ստորագրահավաքին»: Իսկ մինչ այդ, հիշեցնենք,  որ Սամվել Բաբայանի գրասենյակն էր հայտարարություն տարածել, նշելով, որ փետրվարի 18-ին  Արցախի կենտրոնական ընտրական հանձնաժողովի կողմից որոշում է ընդունվել՝ Սահմանադրական փոփոխությունների համար …

Սանկտ Պետերբուրգում BMW X6-ի վարորդը՝ ազգությամբ ադրբեջանցի Մուրադ Քասիմովը, մեծ արագությամբ քշել է  մայթի վրա կանգնած մարդկանց ուղղությամբ: Մահացել է երկու մարդ՝ 40-ամյա մի ամերիկացի ու 39-ամյա մի կին՝ Մոսկվայից:  Բացի այդ, երեք մարդու հոսպիտալացրել են. հայտնում է gazeta.ru-ն: Ներքին գործերի նախարարության փոխանցմամբ՝ 30-ամյա կասկածյալը ոչ սթափ վիճակում մեքենա վարելու պատճառով 2018թ. նոյեմբերին 18 ամսով զրկվել էր …

Փետրվարի 24-ին` ժամը 14:04-ին «911» ծառայությանն ահազանգ է ստացվել, որ ավտոմեքենան ընկել է Տավուշի մարզի Տավուշ գյուղին հարակից ջրամբարը. անհրաժեշտ է փրկարարների օգնությունը: Ինչպես տեղեկացնում է ԱԻՆ-ը, դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Փրկարարները ջրամբարից դուրս են բերել քաղաքացու (Ա. Գ., ծնված 1988 թ.) դին: Tert.am-ի փոխանցմամբ՝ մահացածը պայմանագրային զինծառայող է …

Հանրապետության տարածքում` Փետրվարի 24-ի ցերեկը, 25-ին, 26-ի գիշերը և մարտի 1-ին սպասվում է առանց տեղումների եղանակ: Փետրվարի 26-ի երեկոյան ժամերին, 27-28-ը շրջանների զգալի մասում սպասվում են տեղումներ՝ լեռնային շրջաններում՝ ձյան, նախալեռնային շրջաններում՝ ձնախառն անձրևի, հովտային շրջաններում՝ անձրևի տեսքով: Քամին՝ հարավ-արևմտյան` 3-8 մ/վ, 25-26-ն առանձին հատվածներում սպասվում է քամու ուժգնացում 15-20 մ/վ։ Օդի ջերմաստիճանը 27-ի ցերեկը …