17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Երևանի ավագանին քննարկում է մարտի 19-ի նիստը հետաձգելու ու ինքնամեկուսանալու հարցը
Քաղաքականություն
16.03.2020 | 11:53
Factor.am-ի տեղեկություններով քննարկվում է Երևանի ավագանու հերթական նիստը հետաձգելու հարցը: Այն նախատեսված է մարտի 19-ին:
«Լույս» խմբակցության ղեկավար Դավիթ Խաժակյանը մեզ հետ զրույցում հաստատեց տեղեկությունը՝ մանրամասնելով, որ խմբակցությունների հետ կապ է հաստատել քաղաքապետի առաջին տեղակալ Հրաչյա Սարգսյանը և քննարկվում է նիստը հետաձգելու հարցը:
«Ես ասել եմ, որ մենք սկզբունքորեն դեմ չենք, բայց քաղաքում հակահամաճարակային միջոցներ ձեռնարկելու հետ կապված հարցեր կան, որոնք անհրաժեշտ ենք համարում քննարկել քաղաքապետի հետ: Մենք ցանկություն ենք հայտնել քաղաքապետի հետ հանդիպելու, այդ հանդիպումից հետո նոր պարզ կլինի: Մեզ դեռ հանդիպման համար պատասխան չեն տվել»,- ասաց Դավիթ Խաժակյանը:
Իշխող «Իմ քայլը» խմբակցության ղեկավար Սուրեն Էյրամջյանն էլ նշեց, որ քննարկվում է նիստը հետաձգելու տարբերակը, բայց դեռ վերջնական որոշում չկա: Նա ասաց, որ սա պայմանավորված է ինքնամեկուսացման հորդորներով:
Նարեկ Կիրակոսյան
