Կորոնավիրուսը կարող է ընթանալ առանց ախտանիշների. Գերմանիայում գտնվող հայ բժիշկը մանրամասներ է հայտնում

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Կորոնավիրուսը տարածվում է, ինչպես ամբողջ աշխարհում, այնպես էլ ՀՀ-ում: Տեղեկանալու համար, թե ինչ վիճակ է այլ երկրներում,  Factor.am-ը զրուցել է Գերմանիայում գտնվող հայ բժիշկ Տարոն Սարիբեկյանի հետ:

«Գերմանիայում կորոնավիրուսով վարակվածների թիվը պաշտոնապես բավական աճում է: Նախապես Գերմանիան ոչինչ չէր անում՝ Եվրոպայի ոչ մի երկրի հետ սահման չի փակել: Ուրբաթ օրվանից սկսվեցին հիմնական միջոցառումները, որոնց թվում էին դպրոցները, թանգարանները փակելը: Բեռլինում դեպքերի աճի հետ կապված՝ սկսեցին բարերը փակել: Այսինքն՝ մարդկային կուտակում առաջացնող բոլոր հաստատությունները փակվեցին: Միաժամանակ, հետաձգվեցին բոլոր այն միջոցառումները, որոնք 1.000 և ավելի մարդու մասնակցություն էր ենթադրվում: Շաբաթ օրվանից մեր հիվանդանոցում սկսվեց հիվանդների հարազատների այցելությունների արգելքը, միայն հրատապ դեպքերում հարազատը կարող է այցելել իր հիվանդին: Եվ այսօր արդեն Գերմանիան հայտարարեց, որ փակում է սահմանները Ֆրանսիայի, Շվեյցարիայի, Հոլանդիայի հետ: Եվ, իհարկե, ամենակարևոր միջոցառումը, մարդկանց հորդորում են տներից դուրս չգալ»,- փոխանցեց նա:

Բժիշկը նշեց, որ հետևում է Հայաստանում կատարվող իրադարձություններին․ «Տեսնում եմ, թե ինչպես են մեղադրում Էջմիածնեցի կնոջը։ Նա վստահաբար չէր ցանկանա վիրուս բերել Հայաստան: Եթե դա չլիներ ինքը, լինելու էր ինչ-որ մեկը, որովհետև վիրուսն ամբողջ աշխարհում է տարածվում և, այսպես թե այնպես, դա լինելու էր: Օրինակ՝ Իտալիան, երբ տեսավ՝ չի կարողանում դեմն առնել, արդեն կարանտին հայտարարեց, ոչ ոք իրավունք չունի տանից դուրս գալ: Բնականաբար, դա վարակի տարածումը կանխում է, իսկ այդ մարդիկ, որոնք վարակվել են, օրերն անցնում են, իրենք առողջանում են կամ մահանում են. մահերի թիվը բավական մեծ է Իտալիայում: Աշխարհում Իտալիան երկրորդն է մահերի թվով՝ Չինաստանից հետո: Ինչպես ենք տեսնում Իտալիայում ձեռնարկված միջոցառումների արդյունավետությունը. դա այն է, որ այսօր արդեն հիվանդացության ոչ մի նոր դեպք չի արձանագրվել, ինչը ցույց է տալիս հայտարարված կարանտինի արդյունավետությունը: Այնպես որ՝ Հայաստանն էլ, կարծում եմ, շուտով կհետևի Իտալիայի օրինակին»,֊ կանխատեսեց  Սարիբեկյանը:

Բժիշկը նաև նկատեց, որ վիրուսի գաղտնի՝ առանց կլինիկական որևէ ախտանշանի, չդրսևորվող շրջանը 2-14 օր է, իսկ այդ նշանադրությանը մասնակցած մարդիկ պոտենցիալ վիրուսակիրներ են, իրենք էլ իրենց շրջապատում ում հետ շփվել են, այդ վիրուսը տարածել են: Ըստ նրա՝ մարդկանց ոչ թե պետք է տարհանել, ուղղակի պետք է խորհուրդ տալ, որ տանը մնան, փորձեն շփում չունենալ այլ մարդկանց հետ: Խոսելով կորոնավիրուսի մասին՝ բժիշկն ասաց, որ այն ընթանում է շատ տարբեր՝ կախված նրանից, թե ինչ օրգանիզմ է ախտահարում:

«Մարդիկ, որոնք շատ ամուր իմունիտետ ունեն, ունենում են շատ թույլ արտահայտված գանգատներ, կարող է լինել ջերմության բարձրացում, չոր հազ, մարմնի կոտրտվածություն, և լինում են դեպքեր, երբ ընդհանրապես անախտանիշ է ընթանում, մարդիկ չեն էլ իմանում, որ կորոնավիրուսով վարակված են, կամ իմանում են այն ժամանակ, երբ կոնտակտ են ունեցել ու կասկածում են, և հայտնաբերվում է: Եվ, ցավոք, այն մարդիկ, որոնք թույլ իմունիտետ ունեն, բազմաթիվ ուղեկցող հիվանդություններ ունեն, այսպես ասած, կորոնավիրուսային թոքաբորբ է առաջանում, որը ընթանում է ծանր և կարող է հանգեցնի շնչառական անբավարարության, որի ժամանակ պետք է արհեստական օդափոխող համակարգի՝ շնչառական ապարատի միացնել: Բայց դա քիչ դեպքերում է: Ինչպես տեսնում ենք՝ ամբողջ աշխարհում մահացությունը մեկ տոկոս է կազմում կորոնավիրուսից, մահացածների միջին տարիքը, օրինակ՝ Իտալիայում, 69 է, իսկ ամբողջ աշխարհում վիճակագրությունը ցույց է տալիս, որ ամենամեծ մահացությունը 80-ից բարձր տարիքով մարդկանց շրջանում է»,- տեղեկացրեց բժիշկը:

Նա հայտնեց, որ Գերմանիայում այս պահին 10 մահվան դեպք կա, որոնք բոլորը 80 և ավելի տարեկան են և ունեցել են բազմաթիվ ուղեկցող հիվանդություններ: Բժշկից տեղեկացանք, որ ինչպես ՀՀ-ում, այնպես էլ Գերմանիայում կա բժշկական դիմակների սղություն. «Հիվանդանոցում ունենք դիմակներ, բայց հաշվարկները ցույց են տալիս, որ 14 օր կբավականացնի: Բայց շատ կարևոր է, որ մարդիկ գիտակից են մոտենում իրավիճակին ու խանութները չեն դատարկում: Ինչ վերաբերում է վիրուսի դրսևորումներին, նախ ասեմ, որ Արսեն Թորոսյանը ճիշտ է պնդում, որ բարձր ջերմաստիճանի, մասնավորապես՝ արևի ուլտրամանուշակագույն ճառագայթների ազդեցության տակ վիրուսը քայքայվում է, չի դիմանում բարձր ջերմաստիճանին: Այսինքն՝ կարելի է ասել, գագաթնակետին հասել ենք, հիմա գնալով նվազելու է, ինչքան ջերմաստիճանը բարձր լինի, այնքան ավելի շուտ կունենանք անկում: Վիրուսի մասին պետք է իմանալ, որ այն առաջացնում է չոր հազ, քթից հոսք չի առաջանում, ինչպես գրիպի դեպքում, դրանով կարելի է տարբերել, ինչպես նաև ջերմության բարձրացումով է ընթանում: Ամենակարևորը խուճապի չմատնվել, որովհետև խուճապը սթրեսի է հանգեցնում, իսկ սթրեսը նպաստում է իմունիտետի անկմանը և օրգանիզմը ընկալունակ է դարձնում վիրուսի նկատմամբ: Երկրորդ՝ անիմաստ չծանրաբեռնել առողջապահական համակարգը, չզանգել շտապօգնություն, կա հատուկ թեժ գիծ Առողջապահության նախարարությունում, զանգել, գանգատները նշել ու հետևել իրենց տրված ցուցումներին»,- եզրափակեց նա:

Լիլիթ Շաբոյան