09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Ադրբեջանում կրկին երկարաձգվել է COVID-ի հատուկ կարանտինային ռեժիմը․ ցամաքային սահմանները փակ կմնան
Քաղաքականություն
24.06.2024 | 17:10
Ադրբեջանի իշխանությունները ևս մեկ անգամ երկարաձգել են կորոնավիրուսի համավարակով պայմանավորված երկրում սահմանված հատուկ կարանտինային ռեժիմը։ Ադրբեջանական լրատվամիջոցների հաղորդմամբ՝ համապատասխան հրամանագիրը ստորագրել է վարչապետ Ալի Ասադովը։
Ըստ որոշման՝ երկրում կորոնավիրուսային վարակի (COVID-19) տարածումը և դրա հնարավոր հետևանքները կանխելու նպատակով Ադրբեջանի տարածքում հատուկ կարանտինային ռեժիմը երկարացվել է մինչև 2024 թվականի հոկտեմբերի 1-ը։
Մինչ այս, հատուկ կարանտինային ռեժիմը երկարացվել էր մինչև հուլիսի 1-ը։
Ադրբեջանը կորոնավիրուսի համավարակի պատճառով 2020 թվականի մարտից կարանտինային ռեժիմում է, չորս տարի է՝ երկրի ցամաքային սահմանները փակ են։ Չնայած Առողջապահության համաշխարհային կազմակերպությունը հայտարարել է աշխարհում COVID-19-ի համաճարակի ավարտի մասին, աշխարհի բոլոր երկրները դուրս են եկել կարանտինային ռեժիմից, Ադրբեջանում այն պարբերաբար երկարաձգվում է, թեև համաճարակի հետ կապված բոլոր սահմանափակումները հանվել են։
Երկրի իշխանությունները որևէ բացատրություն չեն տալիս ցամաքային սահմանները փակ պահելու վերաբերյալ։
