04.10.2026 | 22:31
Եղիշե Մելիքյանը և Իգոչուկվու Իվուն՝ Չեռնոգորիայի հավաքականի դեմ խաղի մասին. ՏԵՍԱՆՅՈՒԹ
ԵՄ դատարանը վճռել է, որ Covid-ի համաճարակի ժամանակ պատվաստանյութերի գնումը թափանցիկ չի եղել
Քաղաքականություն
17.07.2024 | 19:47
ԵՄ արդարադատության դատարանը վճիռ է կայացրել կորոնավիրուսի դեմ պատվաստանյութերի ձեռքբերման գործով։ Որոշումը վերընտրվել պատրաստվող Եվրահանձնաժողովի ղեկավար Ուրսուլա ֆոն դեր Լեյենի օգտին չէ, գրում է Euronews-ը։
Եվրոպական հանձնաժողովը խախտել է COVID-19-ի դեմ պատվաստանյութերի ձեռքբերման թափանցիկության կանոնները։ Վճիռը Արդարադատության Եվրոպական դատարանը կայացրել է տարբեր մակարդակներում բազմամսյա վարույթներից հետո։ Դատարանը գտել է, որ Եվրահանձնաժողովին «չհաջողվեց հանրությանն ապահովել պատվաստանյութերի գնման պայմանագրերի բավարար հասանելիություն կորոնավիրուսային համաճարակի ժամանակ»։
Ըստ Euronews-ի՝ սա քար նետել է անձամբ Ուրսուլա ֆոն դեր Լեյենի այգին: Եվրահանձնաժողովի ղեկավարի դեմ հետաքննությունն ի սկզբանե բացվել էր Բելգիայի դատական իշխանությունների կողմից 2023 թվականին տեղի լոբբիստներից մեկի կողմից ներկայացված բողոքից հետո, որին աջակցում էին Հունգարիան և Լեհաստանը: Ֆոն դեր Լեյենին մեղադրել են կոռուպցիայի մեջ՝ պայմանավորված այն հանգամանքով, որ նա մասնավոր նամակագրությամբ բանակցել է Pfizer դեղագործական ընկերության ղեկավարի հետ 20 միլիարդ եվրո արժողությամբ պատվաստանյութեր գնելու համար, այնուհետև ջնջել հաղորդագրությունները։
Համաճարակի գագաթնակետին Եվրահանձնաժողովի ղեկավարի ձեռք բերած գործարքը դիտվեց որպես ԵՄ-ի հաջողություն վիրուսի դեմ պայքարում։ Ավելի ուշ պարզվեց, որ 4 միլիարդ եվրոյի պատվաստանյութեր չեն օգտագործվել։
Դատարանը որոշում է կայացրել Եվրախորհրդարանում քվեարկության նախօրեին. պատգամավորները պետք է ընտրեն կամ վերընտրեն Եվրահանձնաժողովի հաջորդ նախագահին։ Խոսքը ԵՄ-ում ամենաազդեցիկ պաշտոնի մասին է։
