Կոլումբիայի նախագահի վարչակազմի հաղորդմամբ՝  փետրվարի 23-ին  Վենեսուելայի սահմանին  տեղի ունեցած բախումների հետևանքով առնվազն 285 մարդ է տուժել. հաղորդում է РИА Новости-ն: «Այսօրվա բախումների հետևանքով տուժել է 285 մարդ, կիրառված արցունքաբեր գազի պատճառով», – թվիթերի իր միկրոբլոգում գրել է Կոլումբիայի նախագահը: Նշվում է, որ բախումները տեղի են ունեցել հումանիտար օգնություն բերած կամավորների ու վենեսուելացի իրավապահների միջև: …

102-րդ ռազմաբազայի դիմաց՝ հաջակցություն Հայաստանում ռուսական ռազմական ներկայության, տեղի է ունեցել ակցիա. տեղեկացնում է Tsayg.am-ը: Կոմունիստական կուսակցության անդամների խոսքով՝ ակցիան արձագանք է այն քաղաքականության դեմ, որը միտված է ռուսական 102-րդ ռազմական բազայի, Հայաստանի և Ռուսաստանի միջեւ ռազմավարական միության գաղափարի վարկաբեկմանը: Բացի տեղացիներից, ակցիային մասնակցել են նաեւ Երեւանից ժամանած կոմունիստական կուսակցության ակտիվիստները:

SHAMSHYAN.com-ի տեղեկություններով՝ երեկ «Զվարթնոց» միջազգային օդանավակայանում ոստիկանության քրեական հետախուզության գլխավոր վարչության և ոստիկանության Զվարթնոցի բաժնի ծառայողները, ձեռնարկված օպերատիվ հետախուզական միջոցառումների շնորհիվ Ստամբուլ-Երևան ինքնաթիռի ժամանումից հետո ոստիկանության «Զվարթնոցի» գծային բաժին են բերման ենթարկել մի քաղաքացու: Պարզվել է, որ ոստիկանների ստացված տեղեկությունները հավաստի են եղել և այդ քաղաքացին Իրանի Իսլամական Հանրապետության քաղաքացի, 33-ամյա Ռամին Վալադանն է: Վերջինս …

Մոսկվայում հոսպիտալացվել է կինոռեժիսոր Գեորգի Դանելիան. գրում է  ria.ru-ն՝ նշելով, որ տեղեկությունը հաստատել է նրա կինը՝ Գալինա Յուրկովա-Դանելիան: Ավելի ուշ ռեժիսորի կինը հայտնել էր, որ «նրա մոտ թոքաբորբ է, նա վերակենդանացման բաժանմունքում է»: Նշենք, որ կինոռեժիսորի ամենահայտնի ֆիլմերից են «Ես քայլում եմ Մոսկվայով», «Աֆոնյա», «Միմինո», «Կին ձա ձա» կինոնկարները:

ԿԺԴՀ առաջնորդ Կիմ Չեն Ընը փետրվարի 23-ին զրահապատ հատուկ գնացքով ուղևորվել է Հանոյ, որտեղ փետրվարի 27-28-ին տեղի կունենա ԱՄՆ-ԿԺԴՀ  ղեկավարների երկրորդ գագաթնաժողովը. հաղորդում է kcna.kp-ն: Նվում է, որ Կիմ Չեն Ընին ճանապարհել են շքեղ արարողությամբ: Փհենյանից մինչև Վիետնամ երկաթուղային ճանապարհի ընդհանուր երկարությունը կազմում է ավելի քան 4,5 հազար կմ և ոՈւղևորությունը կարող է տևել ավելի քան …

Վրաստանի ենթակառուցվածքների նախարարության ճանապարհային դեպարտամենտից ՀՀ տրանսպորտի, կապի և տեղեկատվական տեխնոլոգիաների նախարարությանը տեղեկացնում են, որ փետրվարի 24-ին՝ ժամը 10:30-ի դրությամբ, Ստեփանծմինդա–Լարս ավտոճանապարհը բաց է տրանսպորտային բոլոր միջոցների համար:

Փետրվարի 24-ին` ժամը 01:21-ին, «911» ծառայությանն ահազանգ է ստացվել, որ Կոտայքի մարզի Զորավան գյուղի սկզբնամասում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը: Ինչպես տեղեկացնում է ԱԻՆ-ը՝ դեպքի վայր են մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ և հատուկ նշանակության փրկարարական աշխատանքների իրականացման կենտրոնի փրկարարական ջոկատը: Պարզվել է, որ Զորավան գյուղի սկզբնամասում …

ՀՀ նախագահի աշխատակազմից տեղեկացնում են, որ հանրապետության նախագահ Արմեն Սարգսյանը շնորհավորական ուղերձ է հղել Էստոնիայի նախագահ տիկին Կերստի Կալյուլայդին` Էստոնիայի Հանրապետության Ազգային տոնի առթիվ: Նախագահ Սարգսյանը համոզմունք է հայտնել, որ համատեղ ջանքերի շնորհիվ Հայաստանի և Էստոնիայի միջև առկա կառուցողական երկխոսությունն ու փոխշահավետ համագործակցությունը կընդլայնվեն և կխորանան։

«Հայ բժիշկները Հալեպում կյանք են փրկում»,- ֆեյսբուքյան իր էջում գրել է ՀՀ ՊՆ խոսնակ Արծրուն Հովհաննիսյանը՝ լուսանկարներ հրապարակելով Սիրիայում մարդասիրական առաքելություն իրականացնող մասնագետների աշխատանքից: Հիշեցնենք, որ փետրվարի 8-ին հումանիտար ականազերծողներից, բժիշկներից և նրանց անմիջական անվտանգությունն ապահովող հայ մասնագետներից բաղկացած խումբ է (ընդհանուր՝ 83 անձ) մեկնել  Սիրիայի Արաբական Հանրապետություն՝ քաղաք Հալեպ:

Սաուդյան Արաբիայի թագավոր Սալման Բին Աբդուլ Ազիզ Ալ Սաուդի հրամանով ԱՄՆ-ում Սաուդյան Արաբիայի արտակարգ և լիազոր դեսպանի պաշտոնում առաջին անգամ կին է նշանակվել. հաղորդում է РИА Новости-ն: Միացյալ Նահանգներում Սաուդյան Արաբիայի դեսպան է նշանակվել արքայադուստր Ռիմա Բինթ Բանդար Բին Սուլթան Բին Աբդուլ Ազիզ Ալ Սաուդը: Արքայադուստր Ռիման կրթություն է ստացել ԱՄՆ-ում՝ պատմական ժառանգության պահպանման բնագավառում: 2014 …