ՀՀ-ում հասարակական կազմակերպությունները թափանցիկ են աշխատում․ Թագուհի Ղազարյան. ՏԵՍԱՆՅՈՒԹ

Լուրեր

20.11.2026 | 19:21
ՀՀ-ում հասարակական կազմակերպությունները թափանցիկ են աշխատում․ Թագուհի Ղազարյան. ՏԵՍԱՆՅՈՒԹ
20.11.2026 | 19:12
Խաղաղության պայմանագիրը բերե՛ք, ստորագրենք, վավերացնե՛նք․ Վարդևանյան. ՏԵՍԱՆՅՈՒԹ
20.11.2026 | 19:00
Փաստը, որ ԱՄՆ-ը քննարկում է եվրոպական անվտանգության ճարտարապետությունը, հաղթանակ է Մոսկվայի համար․ Կուրտ Վոլքեր․ ՏԵՍԱՆՅՈՒԹ
20.11.2026 | 18:52
«Էս մարդիկ խաղաղության վերջին խոչընդոտն են». Ռուբեն Ռուբինյան. ՏԵՍԱՆՅՈՒԹ
20.11.2026 | 18:43
Պարոն Ռուբինյա՞ն, ի՞նչ կա էդքան ոգևորվել եք․ Աննա Գրիգորյան․ ՏԵՍԱՆՅՈՒԹ
20.11.2026 | 18:39
Եթե ՌԴ-ն գազը թանկացնի, իրավիճակը կկառավարենք․ պիտի որոշենք՝ կայսերական ամբիցիաներին տրվո՞ւմ ենք․ Արսեն Թորոսյան
20.11.2026 | 18:30
«Իմ առաջարկից հետո մի շարք ՀԿ-ներ Ձեր հրաժարականն էին պահանջում»․ Ֆարմանյանը՝ փոխնախարարին․ ՏԵՍԱՆՅՈՒԹ
20.11.2026 | 18:29
Շվեդիան վիզա չի տրամադրի ռուս մարզիկներին
20.11.2026 | 18:19
Բանակից ազատելու դեպքերն ուսումնասիրեք 2018-ից հետո. Էդգար Ղազարյան․ ՏԵՍԱՆՅՈՒԹ
20.11.2026 | 18:15
Թույլ չենք տալու Հայաստանը տանել-մտցնել այլ պետության կազմ․ Ռուբինյանը՝ ընդդիմությանը․ ՏԵՍԱՆՅՈՒԹ
20.11.2026 | 18:10
Սամվել Կարապետյանը՝ Փաշինյանի առաջարկի մասին // Սամվել Մկրտչյանը՝ ՌԴ-ում ՀՀ նոր դեսպան․ ԼՈՒՐԵՐ
20.11.2026 | 18:07
Ինքնիշխանությունը կիսատ քարտեզը կրծքին փակցնելը չէ. Մարիաննա Ղահրամանյան․ ՏԵՍԱՆՅՈՒԹ
20.11.2026 | 18:01
Նոյեմբերի 29-ի ՏԻՄ ընտրությունների 66 տեղամասային կենտրոնում սանհանգույց չկա, 29-ի դեպքում տվյալները բացակայում են․ ՀՔԱՎ
20.11.2026 | 17:53
Պուտինի, Թրամփի և Սի Ցզինպինի ընդունած «խաղաղության հռչակագրում» Ուկրաինային վերաբերող կետ է եղել, որն ԱՄՆ-ի խնդրանքով հանվել է․ Ստուբ
20.11.2026 | 17:50
Եթե այս օրենքն էլ ընդունվի, ամեն տարի առնվազն մոտ 100 քաղաքացի ազատվելու է ծառայությունից. Մանուկյան․ ՏԵՍԱՆՅՈՒԹ
Բոլորը

Ազգային ժողովում օրակարգային հարցի քննարկման ընթացքում «Քաղաքացիական պայմանագիր» խմբակցության պատգամավոր Թագուհի Ղազարյանն անդրադարձավ հասարակական կազմակերպությունների ֆինանսական թափանցիկության և լրատվամիջոցների վերաբերյալ ընդդիմադիրների հայտարարություններին։ Նա քննադատեց գործընկերների օգտագործած բառապաշարը՝ հիշեցնելով, որ Հայաստանում ՀԿ-ներն արդեն իսկ պարտավոր են հրապարակել իրենց ֆինանսական հաշվետվությունները։

Անդրադառնալով հասարակական կազմակերպությունների ֆինանսական թափանցիկության հարցին՝ պատգամավորը հերքեց այն պնդումները, թե Հայաստանում գործող ՀԿ-ների ֆինանսական գործունեությունը թափանցիկ չէ։

Նա հիշեցրեց, որ դեռևս 2020 թվականին ընդունված օրենսդրական փոփոխություններով հասարակական կազմակերպությունները պարտավոր են յուրաքանչյուր տարի՝ մինչև մայիսի 30-ը, հրապարակել իրենց տարեկան գործունեության և ֆինանսական հաշվետվությունները։ Ղազարյանի խոսքով՝ գործող կարգավորումներն արդեն իսկ ապահովում են ՀԿ-ների ֆինանսական գործունեության թափանցիկությունը։

Պատգամավորն անդրադարձավ նաև Վրաստանում ընդունված՝ օտարերկրյա ֆինանսավորում ունեցող կազմակերպությունների վերաբերյալ օրենքին՝ հիշեցնելով, որ այն քննադատության է արժանացել միջազգային կառույցների կողմից։

«Տիկին Ղահրամանյանի սիրելի Վենետիկի հանձնաժողովը բացասական եզրակացություն էր տվել, տիկին Գալստյանի սիրելի Human Rights Watch-ն էլ ասել էր, որ խոսքի ազատության սահմանափակում է»,- նշեց Ղազարյանը։

Ելույթի ավարտին պատգամավորը քննադատեց նաև ընդդիմադիրների այն ձևակերպումները, թե հասարակական կազմակերպություններն ու լրատվամիջոցները «վայնասուն են բարձրացրել»։ Նա հորդորեց զերծ մնալ նման բառապաշարից՝ նշելով, որ առաջիկայում խորհրդարանում կրկին քննարկվելու են խոսքի ազատությանը վերաբերող օրենսդրական նախաձեռնություններ, որոնց ընթացքում անհրաժեշտ է լինելու նաև քաղաքացիական հասարակության աջակցությունը։

«Երբ որ գալիս եք այստեղ, խոսում եք այն մասին, որ հասարակական կազմակերպություններն ու լրատվամիջոցները «վայնասուն են բարձրացրել»՝ այդ բառապաշարով եք խոսում, հեսա վաղը-մյուս օրը գալու է, էլի խոսքի ազատության հետ կապված օրենսդրություններ են գալու, ու դո՛ւք եք իրենց աջակցությանը դիմելու»,- հայտարարեց Թագուհի Ղազարյանը։

 

Մանրամասները՝ տեսանյութում։

Եվգենյա Համբարձումյան