Քաղաքականություն
16.03.2020 | 11:19
Վրաստանում ձյան տեսքով տեղումների և ձնահոսքի վտանգի պատճառով Մցխեթա-Ստեփանծմիմդա-Լարս ավտոճանապարհի Գուդաուրի-Կոբի ճանապարհահատվածը փակ է բոլոր տեսակի տրանսպորտային միջոցների համար։ Այս մասին գրում է aliq.ge-ն՝ վկայակոչելով Վրաստանի շրջանային զարգացման և ենթակառուցվածքների նախարարության ճանապարհային դեպարտամենտի հաղորդագրությունը:
Հիշեցնենք, որ կորոնավիրուսի տարածման վտանգից ելնելով, մարտի 16-ից Վրաստանի և Ռուսաստանի միջև քաղաքացիների տեղաշարժը ժամանակավորապես սահմանափակվել է: Դա, սակայն, չի վերաբերում բեռնափոխադրումներին:
Միաժամանակ, դեպի վրաց-ռուսական սահման տանող՝ Մցխեթա-Ստեփանծմինդա-Լարս ավտոճանապարհին բեռնատարների կուտակումներ են: Պատճառը եղանակային անբարենպաստ պայմաններն են, ինչպես նաև կորոնավիրուսի տարածումը կանխելու նպատակով սահմանին իրականացվող ախտահանման աշխատանքները։
