«Россия сегодня» մեդիախմբի գլխավոր տնօրեն Դմիտրի Կիսելյովը ՌԻԱ Նովոստիին տված մեկնաբանությունում կոչ է արել Բաքվին ազատ արձակել «անհիմն ձերբակալված «Sputnik Ադրբեջանի» լրագրողներին»։ «Նրանք, որոնք գիտակցաբար ձեռնարկել են այդ քայլը, հիանալի հասկանում էին, որ լրագրողների աշխատանքի նկատմամբ որևէ օբյեկտիվ պահանջի բացակայության դեպքում դա անխուսափելիորեն կհանգեցնի Ռուսաստանի և Ադրբեջանի միջև միջպետական հարաբերությունների բարդացմանը։ Հիմա, կարծես, մենք կարող …

ԱՄՆ նախագահ Դոնալդ Թրամփը հայտարարել է, որ, ամենայն հավանականությամբ, թույլ կտա ուկրաինացի փախստականներին մնալ Միացյալ Նահանգներում մինչև Ռուսաստանի կողմից Ուկրաինայի դեմ պատերազմի ավարտը։ «Մենք դա կանենք։ Մեզ մոտ շատ մարդիկ են եկել Ուկրաինայից, և մենք աշխատում ենք նրանց հետ»,- ասել է Թրամփը Վաշինգտոնում պատասխանելով DW-ի թղթակցի հարցին։ 2022 թվականի փետրվարին Ուկրաինայի դեմ Ռուսաստանի պատերազմի մեկնարկից …

ՆԳՆ փրկարար ծառայությունը հուլիսի 31-ին ժամը 10:00-ից մինչև 10:30-ն ընկած ժամանակահատվածում, Արագածոտնի մարզի Ցամաքասար բնակավայրում փորձարկվելու է էլեկտրական շչակ։

Մյունխենի Բարձրագույն շրջանային դատարանը «Ադրբեջանի գործով» Բունդեսթագի Քրիստոնեա-սոցիալիստական միության նախկին պատգամավոր Էդուարդ Լինտներին մեղավոր է ճանաչել ընտրված պաշտոնյաներին կաշառելու մեջ, գրում գերմանական ZDF-ը։ Նրա ինը ամիս ժամկետով ազատազրկման դատավճիռը պայմանականորեն է կիրառվել։ Դատավարությունը տևել է  վեց ամիս։ Մյունխենի դատախազությունը Լինտներին մեղադրել էր ադրբեջանական միջոցներով այլ ընտրված պաշտոնյաներին կաշառելու մեջ։ Նշվում է, որ նա մտադրություն է ունեցել …

Թուրքիայի էներգետիկայի նախարար Ալփարսլան Բայրաքթարը հայտարարել է, որ օգոստոսի 2-ին կսկսվի բնական գազի արտահանումը Ադրբեջանից Սիրիայի Հալեպ նահանգ՝ Թուրքիայի հարավ-արևելյան Քիլիս նահանգով, հաղորդում է Anadolu-ն։ Նա նաև նշել է, որ աշխատանքների ավարտից հետո Սիրիա կմատակարարվի մոտ 900 մեգավատ էլեկտրաէներգիա, որը կբավարարի 1,6 միլիոն տնային տնտեսությունների կարիքները։ Բայրաքթարը նաև հայտնել է, որ այս տարի Թուրքիայի տարբեր …

ՀՀ ԱԽ քարտուղար Արմեն Գրիգորյանը հուլիսի 30-ին ընդունել է «Save Armenia» հուդայա-քրիստոնեական միության պատվիրակությանը: Այս մասին հայտնում է ԱԽ գրասենյակից։ «Գրիգորյանը ողջունել է պատվիրակության այցը Հայաստան և կարևորել այն ՀՀ-ԱՄՆ հարաբերությունների հետագա զարգացման տեսանկյունից՝ մատնանշելով հնարավոր համագործակցության ուղիները՝ սկսած առևտրատնտեսական հարաբերությունների զարգացումից ու էներգետիկ ոլորտի բազմազանեցումից մինչև պաշտպանական ոլորտում հնարավոր համագործակցություն: Հանդիպմանն ԱԽ քարտուղարը ներկայացրել …

ՀՀ սննդամթերքի անվտանգության տեսչական մարմնի ղեկավար Տիգրան Պետրոսյանը և ՌԴ անասնաբուժական և բուսասանիտարական վերահսկողության դաշնային ծառայության (Ռոսսելխոզնադզոր) ղեկավար Սերգեյ Դանկվերտը Մոսկվայում տեղի ունեցած հանդիպման ընթացքում քննարկել են երկու երկրների պատկան մարմինների միջև համագործակցության զարգացումները: Հանդիպմանը մասնակցել է նաև ԵԱՏՄ արդյունաբերության և ագրոարդյունաբերական համալիրի հարցերով նախարար Գոհար Բարսեղյանը։ Այդ մասին հայտնում են սննդամթերքի անվտանգության տեսչական մարմնից: …

Հուլիսի 31-ին՝ ժամը 10:30-ից մինչև 14:30-ն ընկած ժամանակահատվածում, Երևանի Շենգավիթ վարչական շրջանի Բագրատունյաց, Մանանդյան, Ղարիբջանյան, Հ. Հովհաննիսյան, Նորագավիթի 1-ին, Ներքին Շենգավիթի 11-րդ փողոցների և Արշակունյաց պողոտայի մի շարք հասցեներում գործարկվելու են էլեկտրական շչակներ։ Այս մասին հայտնում է ՆԳՆ փրկարար ծառայությունը։

Հրապարակվել է ՀՀ 2025 թվականի առաջին կիսամյակի պետական բյուջեի կատարման մասին տեղեկատվությունը: Այս մասին հայտնում է Ֆինանսների նախարարությունը։ «2025 թվականի առաջին կիսամյակում ՀՀ պետական բյուջեի եկամուտները կազմել են 1,433.1 մլրդ դրամ՝ ապահովելով առաջին կիսամյակի ճշտված ծրագրով կանխատեսված ցուցանիշի 102.2% կատարողական: Նախորդ տարվա նույն ժամանակահատվածի համեմատ պետական բյուջեի եկամուտներն աճել են 15.2%-ով կամ 189.4 մլրդ դրամով: …