Վրաստանի վարչապետ Իրակլի Կոբախիձեն այս շաբաթ  կայցելի Ադրբեջան, հայտնում են ադրբեջանական լրատվամիջոցները։ Նշվում է, որ այցի ընթացքում նա Բաքվում կանցկացնի մի շարք բարձր մակարդակի երկկողմ հանդիպումներ և կքննարկի վրաց-ադրբեջանական հարաբերությունները։ Կոբախիձեն Վրաստանի վարչապետի պաշտոնը ստանձնել էր նախորդ ամիս։    

Արդարադատության նախարարի տեղակալ Արա Մկրտչյանն ընդունել է Նյուրնբերգյան սկզբունքների միջազգային ակադեմիայի տնօրեն պրոֆեսոր դոկտոր Քրիստոֆ Զաֆերլինգի գլխավորած պատվիրակությանը․ տեղեկացնում են ՀՀ ԱՆ-ից։ Փետրվարի 1-ից Հայաստանի Հանրապետությունը դարձել է միջազգային քրեական դատարանի լիիրավ անդամ: Արդարադատության նախարարությունը, լինելով ոլորտի քաղաքականություն մշակող մարմին, շահագրգիռ բոլոր գերատեսչությունների հետ ձեռնամուխ է եղել կանոնադրությամբ Հայաստանի Հանրապետության ստանձնած պարտավորությունների կատարումն ապահովելու նպատակով …

Իսրայելը մտադիր է 1,4 միլիոն տեղահանված պաղեստինցիներին Գազայի հարավային Ռաֆահ քաղաքից տեղափոխել «մարդասիրական անկլավներ»՝ նախքան այնտեղ ծրագրված ռազմական հարձակումը։ CNN-ի փոխանցմամբ՝ այս մասին լրագրողներին ասել է Իսրայելի պաշտպանության բանակի խոսնակ Դանիել Հագարին։ Նա ասել է, որ Ռաֆահի վրա հարձակումը «մի բան է, որն անհրաժեշտ է անել», բայց նաև ռազմական գործողությունների ժամկետները կախված են այն պայմաններից, …

Ազատ Դեմոկրատներ կուսակցությունը հայտարարություն է տարածել, որով ողջունում է Եվրոպական խորհրդարանի կողմից ընդունված բանաձևը։ Հայտարարությունը՝ ստորև․ «Եվրոպական խորհրդարանի կողմից երեկ ընդունված «ԵՄ և Հայաստանի միջև ավելի սերտ կապերի և Ադրբեջանի և Հայաստանի միջև խաղաղության համաձայնագրի կնքման անհրաժեշտության վերաբերյալ» բանաձևը (www.europarl.europa.eu/doceo/document/RC-9-2024-0163_EN.html) կարևորագույն ազդակ է Հայաստանի Հանրապետության համար տարածաշրջանային ներկայիս մարտահրավերների պայմաններում և լուրջ հնարավորություն Հայաստանի նկատմամբ …

Պահպանողական կուսակցությունը հայտարարություն է տարածել, որով ողջունում է ԵԽ բանաձևը և իշխանություններին կոչ անում իրականացնել բարեփոխումներ։ Հայտարարությունը՝ ստորև։ «Պահպանողական կուսակցությունը ողջունում է Եվրոպական խորհրդարանի բանաձևը և վերստին հորդորում ՀՀ կառավարությանը գործուն քայլեր ձեռնարկել անկախությունն ու ժողովրդավարությունն ամրապնդելու ուղղությամբ։ Մասնավորապես՝   – դադարեցնել քաղաքական դրդապատճառներով հետապնդումները, – վերացնել համակարգային կոռուպցիան, – իրականացնել լյուստրացիա՝ իշխանությունից հեռացնել ռուսական …

2022 թվականի հուլիսի 1-ից սկսած բանկային քարտով առևտուր անելու դեպքում թոշակառուները, նպաստառուները գնման 10 տոկոսի չափով հետվճար են ստանում՝ մինչև 5000 դրամի չափով։ Հունվար ամսին ծրագրից օգտվել է 189 հազար շահառու, փետրվարին՝ 220 584: Այս մասին կառավարության նիստում հայտնել է Աշխատանքի և սոցիալական հարցերի նախարարի տեղակալ Դավիթ Խաչատրյանը՝ նշելով, որ աճը հունվարին կազմել է ավելի …

Մեկնարկել է «Հանուն Հանրապետության» կուսակցության նախագահ Արման Բաբաջանյանի, Հանրապետություն կուսակցության նախագան Արամ Սարգսյանի և Եվրոպական Հայաստան կուսակցության նախագահ Տիգրան Խզմալյանի մասնակցությամբ համատեղ մամուլի ասուլիսը՝ նվիրված Հայաստանի և Եվրոպական Միության հարաբերություններին։

ՌԴ Բելգորոդ մարզի նահանգապետ Վյաչեսլավ Գլադկովն իր Telegram-ալիքում հայտնել է, որ Բելգորոդի գնդակոծության հետևանքով տուժածների թիվն ավելացել է, փոխանցում է BBC-ի ռուսական ծառայությունը։ Նրա խոսքով՝ տուժածների թվում կա 4 կին և 2 տղամարդ։ Նրանցից երկուսը գտնվում են ծանր վիճակում, պարզաբանել է նահանգապետը։ Բացի այդ, ըստ Գլադկովի, Բելգորոդում գնդակոծության հետևանքով տուժել է 11 մասնավոր տնային տնտեսություն, …