13.12.2025 | 15:13
Երկրպագուներն անկարգություններ են սարքել Հնդկաստանում Մեսիի արձանի բացման ժամանակ․ ՏԵՍԱՆՅՈՒԹ
ԱՄՆ-ը դադարեցրել է Ուկրաինային ռազմական օգնության մատակարարումը՝ մինչև ՌԴ-ի հետ խաղաղության պայմանագիրը․ Թրամփ
Քաղաքականություն
26.02.2025 | 15:49
ԱՄՆ-ը դադարեցրել է զենք և զինամթերք մատակարարել Ուկրաինային, սակայն Կիևը դեռևս ունի ռեզերվներ՝ ռազմական գործողությունները շարունակելու համար, հայտարարել է ԱՄՆ նախագահ Դոնալդ Թրամփը։
«Այս պահին մենք ոչինչ չենք տրամադրում»,- ասել է Թրամփը Սպիտակ տանը լրագրողների հետ հանդիպման ժամանակ։
Նրա խոսքով՝ նախկինում Ուկրաինային փոխանցված ռազմական օգնությունը պետք է բավարար լինի այնքան ժամանակ, քանի դեռ Մոսկվան ու Վաշինգտոնը չեն պայմանավորվել ռազմական հակամարտության կարգավորման շուրջ։
«Մեզ անհրաժեշտ է [խաղաղության] համաձայնագիր։ Հակառակ դեպքում՝ ամեն ինչ կշարունակվի»,- ընդգծել է ԱՄՆ նախագահը։
Միաժամանակ, Թրամփը նշել է, որ խաղաղ բանակցությունների ձախողման դեպքում հնարավոր է ԱՄՆ ռազմական օգնության վերսկսումը։
«Տեսնենք։ Մենք հենց հիմա բանակցությունների փուլում ենք։ Մենք բավականին երկար բանակցություններ ենք վարել հազվագյուտ մետաղների շուրջ գործարքի և շատ այլ բաների շուրջ»,- ասել է Թրամփը։
Նա հիշեցրել է, որ հեռախոսով խոսել է ՌԴ նախագահ Վլադիմիր Պուտինի հետ, որը, ըստ Սպիտակ տան ղեկավարի, «ցանկանում է կարգավորել ամեն ինչ»։ Թրամփը նաև հավելել է՝ ապագայում Եվրոպան պետք է պատասխանատվություն կրի Ուկրաինային ռազմական օգնություն տրամադրելու համար։
Առանց ԱՄՆ-ի աջակցության՝ Ուկրաինան կարող է պահպանել մարտերի ներկայիս տեմպը մինչև ամառ, որից հետո զինամթերքը կսպառվի, և ուկրաինացի զինվորականներն այլևս չեն կարողանա օգտագործել ամենաառաջադեմ զենքերը, Wall Street Journal-ին (WSJ) ասել են նախկին և ներկա արևմտյան պաշտոնյաները։
Թարգմանությունը՝ Տաթև Ֆռանգյանի
