17.07.2026 | 20:09
Խմարան և Սիբիհան՝ Ուկրաինայի պաշտպանության և արտաքին գործերի նախարարների պաշտոնակատար
ԱՄՆ և ՌԴ ներկայացուցիչները կհանդիպեն Ստամբուլում փետրվարի 27-ին․ Լավրով
Քաղաքականություն
26.02.2025 | 15:18
Ստամբուլում փետրվարի 27-ին տեղի կունենա ռուս-ամերիկյան հանդիպում՝ դեսպանատների աշխատանքի կարգավորման հարցով։ Այս մասին հայտարարել է ՌԴ ԱԳ նախարար Սերգեյ Լավրովը, գրում է ՌԻԱ Նովոստին։
«Նման հանդիպում տեղի կունենա վաղը Ստամբուլում։ Մենք հայտարարել ենք, որ մեր բարձր մակարդակի դիվանագետները, փորձագետները հանդիպելու և քննարկելու են համակարգային խնդիրները, որոնք կուտակվել են նախկին վարչակազմի անօրինական գործունեության արդյունքում՝ արհեստական խոչընդոտներ ստեղծելու Ռուսաստանի դեսպանատան գործունեության համար։ Մենք, իհարկե, փոխադարձաբար պատասխանել ենք ու ստեղծել ենք նոր պայմաններ Մոսկվայում ամերիկյան դեսպանատան աշխատանքի համար»,- ասել է ՌԴ ԱԳ նախարարը Կատար կատարած այցի արդյունքներով մամուլի ասուլիսում։
Լավրովն ընդգծել է, որ «հանդիպման արդյունքների հիման վրա պարզ կլինի, թե որքան արագ և արդյունավետ կարող են առաջ շարժվել»։
Թարգմանությունը՝ Էմմա Չոբանյանի
