Մեկ կշեռք և մեկ սկաներ․ շաբաթներով հերթ են կանգնում․ Աբրահամյանը՝ հայ-իրանական սահմանի մասին․ ՏԵՍԱՆՅՈՒԹ

Լուրեր

18.11.2026 | 17:53
Սպանության և սպանության փորձի մեղադրանքով ավելի քան երկու տարի հետախուզվող 55-ամյա տղամարդը Մոսկվայից տեղափոխվել է Հայաստան
18.11.2026 | 17:45
Ուշադիր հետևում ենք Ադրբեջանի և Հայաստանի միջև խաղաղության գործընթացին․ Թուրքիայի պաշտպանության նախարար
18.11.2026 | 17:38
«Մահը վրա է հասել պատգարակի վրա»․ Գալյանը՝ Արսեն Գևորգյանի մահվան հանգամանքների մասին․ ՏԵՍԱՆՅՈՒԹ
18.11.2026 | 17:27
Դատաբժշկական փորձագետների խումբը պնդում է, որ Ջեֆրի Էփշթեյնի մահը սպանություն է
18.11.2026 | 17:21
«Եթե կոռուպցիոն շղթայի մաս եք, շատ շուտով բանտում կհայտնվեք»․ Փաշինյանը՝ Մարիաննա Ղահրամանյանին․ ՏԵՍԱՆՅՈՒԹ
18.11.2026 | 17:19
Ճապոնիայի ֆուտբոլի ասոցիացիայի նախկին նախագահն առաջադրվել է ՖԻՖԱ-ի նախագահի պաշտոնում
18.11.2026 | 17:16
Ալբերտ Հովհաննիսյանի հայրն ու Ավինյանը միասին որոշել են՝ որտեղ է լինելու հերոսի հիշատակի անկյունը
18.11.2026 | 17:10
«Ազիմուտ»-ի ինքնաթիռը ռումբի մասին հաղորդումից հետո վայրէջք է կատարել Անթալիայում
18.11.2026 | 17:02
Գերմանիան աջակցում է ՀՀ-ԵՄ հարաբերությունների խորացմանը․ Փաշինյանն ընդունել է Գերմանիայի ԱԳ նախարարին
18.11.2026 | 16:55
Մեկ կշեռք և մեկ սկաներ․ շաբաթներով հերթ են կանգնում․ Աբրահամյանը՝ հայ-իրանական սահմանի մասին․ ՏԵՍԱՆՅՈՒԹ
18.11.2026 | 16:54
Թրամփը ժամանել է Չինաստանում անցկացվող ԱԽՏՀ-ի ընդունելությանը․ նա ձեռքսեղմում է ունեցել Պուտինի հետ
18.11.2026 | 16:53
Հայաստանում հոգեկան առողջության խնդիրներ ունեցող անձինք բախվում են խտրականության և իրավունքների պաշտպանության համակարգային խնդիրների․ ՄԻՊ
18.11.2026 | 16:46
Բյուրականում շուրջ 52 հազար խմ տուֆի ապօրինի արդյունահանում է բացահայտվել․ շրջակա միջավայրին պատճառված վնասը՝ 3,5 մլն դրամ
18.11.2026 | 16:39
ԿԳՄՍՆ-ն պատրաստվում է դատի տալ «Դոպինգ Սփեյս» ընկերությանը
18.11.2026 | 16:30
ԱԺ-Կառավարություն հարցուպատասխանը՝ ՈՒՂԻՂ
Բոլորը

Ազգային ժողովում Կառավարության հետ հարցուպատասխանի ընթացքում «Հայաստան» խմբակցության պատգամավոր Տիգրան Աբրահամյանն անդրադարձել է Հայաստան-Իրան սահմանային անցակետում բեռնատարների կուտակումներին՝ նշելով, որ հայկական կողմում տեխնիկական սարքավորումների պակասի պատճառով վարորդները ստիպված են լինում շաբաթներով հերթ կանգնել։

Պատգամավորի խոսքով՝ սահմանային անցակետում գործում է ընդամենը մեկ կշեռք և մեկ սկաներ, ինչը խոչընդոտում է բեռնատարների սպասարկմանը և ապրանքաշրջանառությանը։

«Հայաստան-Իրան սահմանին առկա խայտառակ վիճակի մասին, երբ որ հայկական կողմի պատճառով՝ նրա պատճառով, որ հայկական կողմում աշխատում է ընդամենը մեկ կշեռք և մեկ սկաներ, վարորդները ստիպված են լինում շաբաթներ շարունակ հերթ կանգնել»,- ասաց Աբրահամյանը։

Նա ընդգծեց, որ խնդիրը հնարավոր է լուծել կարճ ժամանակում՝ լրացուցիչ սարքավորումներ տեղադրելով։

«Հիմնական խնդիրը, որը որ այսօր կարելի է շատ արագ՝ հաշված շաբաթների ընթացքում լուծել, այսինքն՝ Երևանից արագ տանել, տեղադրել, հենց այն է, որ չկա լրացուցիչ կշեռք և չկա լրացուցիչ սկաներ»,- նշեց պատգամավորը։

Ի պատասխան՝ տարածքային կառավարման և ենթակառուցվածքների նախարար Դավիթ Խուդաթյանը հայտնեց, որ նախորդ օրն է վերադարձել Իրանից, որտեղ գործընկերների հետ քննարկել է նաև սահմանային ենթակառուցվածքների ընդլայնման հարցերը։

Նախարարը նշեց, որ ինչպես հայկական, այնպես էլ իրանական կողմում նոր մաքսակետի շինարարական աշխատանքներն ակտիվորեն շարունակվում են։

«Երեկ եմ վերադարձել Իրանից։ Ի թիվս այլ հարցերի՝ գործընկերների հետ քննարկել ենք նաև նոր մաքսակետի հետ կապված հարցը։ Գիտեք՝ և՛ հայկական կողմում, և՛ իրանական կողմում շինարարությունը ակտիվ տեմպով առաջ է գնում»,- ասաց Խուդաթյանը։

Նա տեղեկացրեց, որ մաքսակետի կառուցումն արդեն գրեթե ավարտական փուլում է՝ ի տարբերություն կամրջի շինարարության։

«Մաքսակետի կառուցման աշխատանքները, ի տարբերություն կամրջի, դրանք արդեն գրեթե ավարտական փուլում են, և տարիներ պետք չի սպասել»,- ընդգծեց նախարարը։

Անդրադառնալով բեռնատարների երկարատև հերթերին՝ Խուդաթյանը չհամաձայնեց, որ վարորդները շաբաթներով սպասում են բացառապես հայկական կողմի պատճառով։ Նրա խոսքով՝ նման հերթեր առկա են նաև Իրանի տարածքում։

«Թույլ տվեք չհամաձայնվել, որ շաբաթներով այդտեղ կանգնում են։ Այո՛, կան դժվարություններ, և այդ դժվարությունները պայմանավորված չեն բացառապես հայկական կողմով, որովհետև նույն հերթերը կան նաև իրանական կողմում»,- ասաց նա։

Նախարարը նաև նշեց, որ Հայաստանի և Իրանի միջև ապրանքաշրջանառության ծավալները զգալիորեն աճել են, ինչն իր հերթին մեծացրել է սահմանային անցակետի ծանրաբեռնվածությունը։

«Ակնհայտ է, որ Հայաստանի և Իրանի միջև ապրանքաշրջանառության ծավալն էական և շեշտակի աճել է»,- հայտարարեց Խուդաթյանը։

Ինչ վերաբերում է լրացուցիչ կշեռքի և սկաների տեղադրմանը, նախարարը խոստացավ տեխնիկական հագեցվածության հարցը կրկին քննարկել Պետական եկամուտների կոմիտեի ներկայացուցիչների հետ։

Մանրամասները՝ տեսանյութում։

Եվգենյա Համբարձումյան