08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ՀԱՄԱՍ-ը պատրաստվում է Գազայում մարտերի վերսկսմանը․ WSJ
Քաղաքականություն
26.02.2025 | 15:27
The Wall Street Journal-ին (WSJ) հայտնի է դարձել, որ ՀԱՄԱՍ-ի ռազմական թևի առաջնորդները փետրվարին նախազգուշացրել են, որ Իսրայելը կարող է վերսկսել ռազմական գործողությունները: Այս ֆոնին գրոհայինները Գազայի հատվածում վերակառուցում են ստորգետնյա թունելների ցանցը:
WSJ-ի աղբյուրները պնդում են, որ վերջին ամիսներին հարյուրավոր նոր զինյալներ են միացել ՀԱՄԱՍ-ին։ Իսրայելցի զինվորականները տեղյակ են այդ մասին, սակայն կարծում են, որ շարժմանը հասցված վնասը թույլ չի տա վերսկսել ռազմական գործողությունները, գրում է պարբերականը։
Դեռևս հունվարին WSJ-ը գրել էր, որ չնայած ՀԱՄԱՍ-ի քաղաքական գրասենյակը Քաթարում որոշել է շարժման առաջնորդ Յահյա Սինվարի մահից հետո անցնել կոլեկտիվ ղեկավարության, Գազայի հատվածում գրոհայինները սկսել են ինքնուրույն գործել Մուհամմեդ Սինվարի ղեկավարությամբ: Ըստ WSJ-ի՝ նա ձգտում է վերականգնել ՀԱՄԱՍ-ի ռեսուրսները՝ խմբավորման դիրքերն ամրապնդելու համար։
Վերջերս ՀԱՄԱՍ-ի ներկայացուցիչների հայտարարությունները հակամարտության մասին տարբերվում էին ՀԱՄԱՍ-ի քաղբյուրոյի փոխղեկավար Մուսա Աբու Մարզուկի հայտարարությունից, որը պատրաստակամություն էր հայտնել քննարկել զինյալների զինաթափումը և խոստովանել, որ հավանության չէր արժանացնի 2023 թվականի հոկտեմբերի 7-ին Իսրայելի վրա հարձակումը, եթե իմանար հետևանքների մասին: Ավելի ուշ ղեկավարությունը հայտարարեց, որ նրա խոսքերը հանված են կոնտեքստից։
Իսրայելի և ՀԱՄԱՍ-ի միջև համաձայնագրի առաջին փուլը կավարտվի մարտի 1-ին։
Թարգմանությունը՝ Տաթև Ֆռանգյանի
