Ապրիլի 24-ին կայացել է ՀՀ պաշտպանության նախարար Վաղարշակ Հարությունյանի հեռախոսազրույցը ՌԴ պաշտպանության նախարար, բանակի գեներալ Սերգեյ Շոյգուի հետ. տեղեկացնում են ՀՀ ՊՆ-ից: Երկու երկրների պաշտպանական գերատեսչությունների ղեկավարները քննարկել են Արցախում տեղակայված ռուսական զորախմբի խաղաղապահ առաքելության ընթացքը, ՀՀ զինված ուժերում սկիզբ առած լայնածավալ բարեփոխումների հիմնական ուղղությունները, ինչպես նաև հայ-ռուսական միացյալ զորախմբի համատեղ գործողություններն ու առաջիկա ծրագրերը։ …

ԱՄՆ Այդահո նահանգը ճանաչեց Արցախի Հանրապետությունը և ապրիլի 24-ը հռչակեց Հայոց ցեղասպանության հիշատակի օր: Այս մասին տեղեկանում ենք ԱՄՆ Հայ դատի գրասենյակի ֆեյսբուքյան էջից: Հայտարարությունը ստորագրել է Այդահոյի նահանգապետ Բրեդ Լիթլը:  

Արցախի Հանրապետության նախագահ Արայիկ Հարությունյանն ուղերձ է հղել Ցեղասպանության զոհերի հիշատակի օրվա կապակցությամբ։ Այս մասին հայտնում են ԱՀ նախագահի աշխատակազմից։ Ուղերձում ասված է․ «Սիրելի՛ հայրենակիցներ, Այսօր մենք կրկին հիշում և գլուխ ենք խոնարհում 1915 թվականին Օսմանյան Թուրքիայի կողմից հայ ժողովրդի դեմ իրականացված Ցեղասպանության անմեղ զոհերի հիշատակի առջև: Այդ դաժան ու սարսափելի ոճրագործությունից անցել է 106 …

Ապրիլի 24-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 212878 դեպք, որոնցից 193360-ն` առողջացած, 4001-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 14517 պացիենտ: Ընդհանուր առմամբ կատարվել 960067 թեստավորում: Այսպիսով` երեկ կատարվել է 4552 թեստավորում, որից հաստատվել է կորոնավիրուսային հիվանդության 764 նոր դեպք: Ունենք 1079 առողջացած և 17 մահվան դեպք: Նախորդ …

Քիչ առաջ Ծիծեռնակաբերդի հուշահամալիր ժամանեց կառավարական պատվիրակությունը։ Ներկա են ՀՀ վարչապետ Նիկոլ Փաշինյանը, ՀՀ նախագահ Արմեն Սարգսյանը, ԱԺ նախագահ Արարատ Միրզոյանը։ Ուշագրավ է, որ բարձրաստիճան պաշտոնյաների հետ Ծիծեռնակաբերդ չի այցելել Ամենայն Հայոց կաթողիկոս Գարեգին Երկրորդը։ Նիկոլ Փաշինյանի հրաժարականը պահանջելուց հետո կաթողիկոսը վարչապետի հետ չի մասնակցում պետական միջոցառումներին։   Նարեկ Կիրակոսյան

Հանրապետության նախագահ Արմեն Սարգսյանը Հայոց ցեղասպանության զոհերի հիշատակի օրվա կապակցությամբ այսօր այցելել է Ծիծեռնակաբերդի հուշահամալիր, հարգանքի տուրք մատուցել Հայոց ցեղասպանության զոհերի հիշատակին: Հանրապետության նախագահի անունից ծաղկեպսակ է դրվել Մեծ եղեռնի զոհերի հուշակոթողին: Նախագահ Սարգսյանը ծաղիկներ է դրել անմեղ զոհերի հիշատակը հավերժացնող անմար կրակի մոտ և մեկ րոպե լռությամբ հարգել նրանց հիշատակը։

Վարչապետ Նիկոլ Փաշինյանը ՀՀ նախագահ Արմեն Սարգսյանի, Ազգային ժողովի նախագահ Արարատ Միրզոյանի և երկրի բարձրագույն ղեկավարության հետ Ցեղասպանության զոհերի հիշատակի օրվա կապակցությամբ այցելել է Ծիծեռնակաբերդի հուշահամալիր՝ հարգանքի տուրք մատուցել Հայոց ցեղասպանության զոհերի հիշատակին: Նիկոլ Փաշինյանը ծաղկեպսակ է դրել հուշակոթողին, ծաղիկներ խոնարհել Հայոց ցեղասպանության զոհերի հիշատակը հավերժացնող անմար կրակի մոտ:

Արցախի Հանրապետության ԱԳՆ-ն ուղերձ է հղել Հայոց ցեղասպանության 106-րդ տարելիցի կապակցությամբ: Ուղերձում ասվում է. «Ապրիլի 24-ին հայ ժողովուրդը ոգեկոչում է Ցեղասպանության անմեղ զոհերի հիշատակը։ Հայոց ցեղասպանությունը հայ ժողովրդի և համաշխարհային պատմության ամենաողբերգական և արյունալի էջերից մեկն է: Թուրքիայի և Ադրբեջանի հանցավոր քաղաքականությունը, նրանց պանթուրքական և ծավալապաշտական ծրագրերը լուրջ վտանգ են ներկայացնում ոչ միայն Հարավային Կովկասի, …