09.06.2026 | 12:43
Թրամփը հայտարարել է, որ Իրանի հետ գործարքը կարող է կնքվել «երկու կամ երեք օրից»
ԱԻՆ փրկարարների թվային պատկերով քողարկող համազգեստը փոխարինվում է այլ համազգեստով
01.07.2021 | 20:13
Վերջերս մամուլում անդրադարձ կար ԱԻՆ ՓԾ տնօրենի և մեկ այլ ծառայողի կողմից «կամայական» կանաչ գույնի համազգեստ կրելու մասին. տեղեկացնում են ՀՀ ԱԻՆ-ից:
Պետք է տեղեկացնենք, որ Արտակարգ իրավիճակների նախարարությունը 2020 թվականին մի շարք միջազգային կազմակերպություններից առաջարկություններ էր ստացել թվային պատկերով քողարկող համազգեստը փոխարինել այլ համազգեստով՝ հաշվի առնելով, որ սահմանամերձ գոտիներում իրականացվող ծառայության ընթացքում տարաբնույթ հարցեր են առաջանում:
Փրկարար ծառայության համազգեստի ձևը, տրման կարգը և օգտագործման ժամկետները սահմանելու մասին ՀՀ կառավարության 2020թ. ապրիլի 30-ի N 668-Լ որոշման հավելված 1-ի 48-րդ կետով որոշում էր կայացվել քաղաքացիական պաշտպանության համազգեստի գույնը փոխել մուգ կանաչի:
Համազգեստը կարող են կրել քաղաքացիական պաշտպանության ծառայողները, կառուցվածքային ստորաբաժանումների ղեկավարները և Փրկարար ծառայության տնօրենի հրամանով՝ այլ ծառայողներ: Գործընթացը մեկնարկել է. առաջիկայում փրկարար ծառայողները փուլ առ փուլ կապահովվեն նշված համազգեստով:
