Օգոստոսի 27-ին՝ ժամը 10:40-ին, Արցախի ՆԳՆ ոստիկանության ՃՈ օպերատիվ կառավարման կենտրոնում հաղորդում է ստացվել, որ Մարտակերտ քաղաքի «Քեմքեշ» կոչվող տեղամասում ճանապարհատրանսպորտային պատահար է տեղի ունեցել` մահվան ելքով: Դեպքի վայր են մեկնել ՆԳ նախարարության ոստիկանության և ԱԻ պետական ծառայության Մարտակերտի շրջանային բաժնի հերթապահ օպերատիվ խմբերը, ինչպես նաև քննչական կոմիտեի քննչական խումբը և շտապ օգնության կայանի բուժանձնակազմը։ …

Սևանա լճից ոռոգման նպատակով, օգոստոսի 10-ի դրությամբ, բաց է թողնվել 103 միլիոն 361 հազար խորանարդ մետր ջուր։ «Սևանի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» օրենքով լճից ջրառի առավելագույն չափաքանակ է սահմանված 170 միլիոն խորանարդ մետրը: Լճից, սակայն, տարիներ շարունակ բաց է թողնվել ավելի շատ ջուր, քան նախատեսում է օրենքը։ Շրջակա …

Օգոստոսի 27-ին՝ ժամը 11։46-ին, Տավուշի մարզային ճգնաժամային կառավարման կենտրոն ահազանգ է ստացվել, որ Սևքար գյուղում՝ հանդամասում, հրդեհ է բռնկվել։ Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Ինչպես տեղեկացնում են ՀՀ ԱԻՆ-ից՝ հրդեհը մեկուսացվել է ժամը 14։35-ին, մարվել՝ 15:08-ին։ Այրվել է մոտ 40 հա խոտածածկույթ։

Դիլիջան համայնքում շարունակվում են սուբվենցիոն ծրագրերով նախատեսված ճանապարհաշինական աշխատանքները: Մեկնարկել են Մյասնիկյան փողոցի շուրջ 2500մ երկարությամբ ճանապարհի հիմնանորոգման աշխատանքները: «Շինարարական աշխատանքների հետ կապված հնարավոր է ճանապարհի երթևեկելի գոտու անանցանելիություն, ուստի խնդրում ենք հարկ եղած դեպքում Մյասնիկյան փողոցը շրջանցել Հակոբջանյան փողոցով»,- ասված է համայնքապետարանի տարածած հաղորդագրության մեջ:

Հանրապետության նախագահ Վահագն Խաչատուրյանը շնորհավորական ուղերձ է հղել Մոլդովայի Հանրապետության նախագահ Մայա Սանդուին Մոլդովայի Հանրապետության ազգային տոնի՝ Անկախության օրվա կապակցությամբ: Ուղերձում մասնավորապես ասվում է. «Մեր ժողովուրդների միջև փոխադարձ հարգանքի և վստահության վրա խարսխված դարավոր բարեկամական կապերն ամուր հիմք են Հայաստանի և Մոլդովայի արդյունավետ համագործակցության զարգացման համար»:

Իրանից արտահանումը Հայաստան նախորդ տարվա նույն ժամանակահատվածի համեմատ աճել է 37%-ով։ IRNA գործակալության փոխանցմամբ՝ այս մասին հայտարարել է Հայաստանում Իրանի դեսպան Աբաս Զոհուրին։ Նա Զանջան նահանգի առևտրային պատվիրակության հետ հանդիպմանը Հայաստանն անվտանգ և հուսալի կոմունիկացիոն կամուրջ է անվանել ԵԱՏՄ և ԵՄ երկրների հետ առևտրային հարաբերություններ հաստատելու համար։ Զոhուրին նշել է, որ Իրանի և Հայաստանի միջպետական …

Վարչապետ Նիկոլ Փաշինյանը շնորհավորական ուղերձ է հղել Մոլդովայի Հանրապետության նախագահ Մայա Սանդուին՝ Մոլդովայի ազգային տոնի առթիվ, տեղեկացնում են կառավարության մամուլի ծառայությունից։ Ուղերձում, մասնավորապես, նշված է. «Հարգելի տիկին Սանդու, Ջերմորեն շնորհավորում եմ Ձեզ Մոլդովայի ազգային տոնի՝ Անկախության օրվա առթիվ։ Վերահաստատում եմ մեր անկեղծ ցանկությունը՝ հնարավոր բոլոր ուղղություններով, տարբեր հարթակներում զարգացնելու Մոլդովայի հետ փոխշահավետ համագործակցությունը՝ խարսխված բարեկամության, …

Սեպտեմբերի 8-ին «Փյունիկ» ֆուտբոլային ակումբը պայքարը կսկսի ՈՒԵՖԱ-ի Եվրոպայի Կոնֆերենցիաների լիգայի խմբային փուլում։ Ակումբը ներկայացրել է «Փյունիկի» խաղացանկը Կոնֆերենցիաների լիգայի խմբային փուլում։ Սեպտեմբերի 8 «Բազել» – «Փյունիկ» Սեպտեմբերի 15 «Փյունիկ» – «Սլովան Բրատիսլավա» Հոկտեմբերի 6 «Փյունիկ» – «Ժալգիրիս» Հոկտեմբերի 13 «Ժալգիրիս» – «Փյունիկ» Հոկտեմբերի 27 «Սլովան Բրատիսլավա» – «Փյունիկ» Նոյեմբերի 3 «Փյունիկ» – «Բազել»

Արտակարգ իրավիճակների նախարարությունը տեղեկացնում է, որ ՀՀ տարածքում ավտոճանապարհներն անցանելի են։ Մ-3 ավտոճանապարհի Արմավիրի մարզի Լուսագյուղ-Երասխահուն հատվածում գտնվող կամրջի վնասման հետևանքով ճանապարհահատվածի երթևեկությունն իրականացվում է մեկ գոտիով՝ երկկողմ երթևեկությամբ։ Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։

«Այսօր Շուշիում չեն Ադրբեջանում Ֆրանսիայի և ԱՄՆ-ի դեսպանները։ Նրանք բացահայտ արհամարհեցին ադրբեջանական կառավարության հրավերը»,- ադրբեջանական APA գործակալության փոխանցմամբ՝ հայտարարել է Ադրբեջանի նախագահի օգնական Հիքմեթ Հաջիևը: Նա նշել է, որ դա գնահատվում է որպես «անհարգալից վերաբերմունք Ադրբեջանի տարածքային ամբողջականության նկատմամբ, քանի որ, ըստ այդ երկրների, հակամարտությունը դեռ ավարտված չէ»,- ասել է նա։ Հաջիևը դարձյալ դժգոհել է, …