26.06.2026 | 17:49
ՌԴ-ն և Ուկրաինան գերիների են փոխանակել 160-ը 160-ի դիմաց
Բայդենի զանգն Էրդողանին ստիպեց կտրուկ շրջվել դեպի ՆԱՏՕ․ Քըլըչդարօղլու
Քաղաքականություն
11.07.2023 | 22:20
Թուրքիայի գլխավոր ընդդիմադիր Ժողովրդահանրապետական կուսակցության ղեկավար, նախագահական ընտրություններում Ռեջեփ Թայիփ Էրդողանի մրցակից Քեմալ Քըլըչդարօղլուն թիրախավորել է Էրդողանին՝ մեղադրելով նրան ՆԱՏՕ-ի հարցում անսպասելի փոփոխության մեջ։ Քըլըչդարօղլուն պնդում է, որ ԱՄՆ նախագահ Ջո Բայդենի հեռախոսազրույցն Էրդողանին դրդել է ամբողջական շրջադարձ կատարել այդ հարցում, գրում է Gercek news-ը։
«Նրանք շատ պարզ արտահայտություններ են արել, օրինակ՝ «դու երբեք չես կարող անդամ դառնալ»: Նրանք այրեցին մեր Սուրբ գիրքը՝ Ղուրանը։ Բայդենը զանգահարեց Էրդողանին։ Համոզված եմ՝ Էրդողանը կանգնել ու պատրաստվել էր, երբ Բայդենը զանգահարել է։ Էրդողանը հանկարծակի լրիվ շրջադարձ կատարեց։ ԵՄ ճանապարհն անցնում է Դեմիրթաշով, Էմինե Սենյասարով։ Սա այն է, ինչ խոստացել եք: Դեպի ԵՄ ճանապարհն անցնում է Դիարբեքիրի բանտարկված լրագրողների և շաբաթօրյա մայրերի միջով»,- ասել է Քըլըչդարօղլուն։
Հիշեցնենք, որ Էրդողանը նախօրեին Շվեդիայի վարչապետ Ուլֆ Քրիստերսոնի և ՆԱՏՕ-ի ղեկավար Յենս Ստոլտենբերգի հետ եռակողմ հանդիպումից հետո համաձայնել է խորհրդարան ուղարկել ՆԱՏՕ-ի ռազմական դաշինքին միանալու Ստոկհոլմի հայտը՝ ամիսներ շարունակ լարվածությունից և դաշնակիցների կողմից գործադրվող ճնշումից հետո։
Էմմա Չոբանյան
