Վրաստանի ՆԳՆ աշխատակիցները ֆիզիկական բռնություն են գործադրել «օտարերկրյա գործակալների մասին» օրինագծի դեմ բողոքի ակցիայի մի քանի մասնակիցների նկատմամբ, հաղորդում են վրացական լրատվամիջոցները։ Ընդդիմադիր հեռուստաալիքների նկարահանած կադրերում երևում է, թե ինչպես ցուցարարներից մեկին բերման ենթարկելիս մի քանի իրավապահներ միաժամանակ հարվածներ են հասցնում նրա դեմքին և գլխին։ Մեկ այլ տեսանյութում հատուկ ջոկատայինների խումբը շրջապատել է գետնին տապալված …

Հայաստան է ժամանելու ԵԱՀԿ գործող նախագահ, Մալթայի Հանրապետության արտաքին ու եվրոպական հարցերի և առևտրի նախարար Իեն Բորջը: Այժմ ԱԳ նախարար Արարատ Միրզոյանը և ԵԱՀԿ գործող նախագահ Իեն Բորջը հանդես են գալիս համատեղ ասուլիսով։

Ընթանում է Հայաստանի և Մալթայի արտաքին գործերի նախարարների ընդլայնված կազմով հանդիպումը, որին կհաջորդի համատեղ մամուլի ասուլիսը: Այս մասին հաղորդագրություն է տարածել ՀՀ ԱԳՆ-ն։

Հայաստանը ներկայացնող շախմատիստներն ավարտեցին ելույթները Դուբայի միջազգային մրցաշարում: «Արմենպրես»-ի հաղորդմամբ` Հայաստանի ներկայացուցիչներից լավագույն արդյունք գրանցել է Շանթ Սարգսյանը, ով 9 հնարավորից հավաքել է 6 միավոր և գրավել 8-րդ հորիզոնականը: Նույն միավորով 13-րդ տեղում Հայկ Մարտիրոսյանն է: Հովիկ Հայրապետյանը 30-րդ տեղում է, Սամվել Տեր-Սահակյանը` 31-րդ: Մրցաշարի լավագույն երեք տեղերում Հնդկաստանի ներկայացուցիչներն են:

Մարդու իրավունքների պաշտպան Անահիտ Մանասյանի հանձնարարությամբ ՄԻՊ աշխատակազմի ներկայացուցիչներն արագ արձագանքման այց են իրականացրել Ոստիկանության բաժիններ՝ բերման ենթարկված անձանց տեսակցելու և նրանց իրավունքների ապահովման վիճակին տեղում ծանոթանալու նպատակով: Այս մասին հայտնում են ՄԻՊ գրասենյակից։

ԵԱՀԿ գործող նախագահ, Մալթայի Հանրապետության արտաքին ու եվրոպական հարցերի և առևտրի նախարար Իեն Բորջը ժամանել է ՀՀ ԱԳՆ․ տեղեկացնում են ՀՀ ԱԳՆ-ից։ «Մեկնարկել է Հայաստանի արտաքին գործերի նախարար Արարատ Միրզոյանի հետ առանձնազրույցը»,- ասված է հաղորդագրությունում։    

Կիրակի օրը Բելգորոդում և Բելգորոդի մարզում հրետակոծությունների հետևանքով զոհվել է 19 մարդ, հայտնել է շրջանի նահանգապետ Վյաչեսլավ Գլադկովը, փոխանցում է BBC-ի ռուսական ծառայությունը։ Ըստ Գլադկովի՝ 15 մարդ մահացել է Շչորսա փողոցի բնակելի շենքի մուտքի փլուզման հետևանքով, ևս 3-ը մարզի այլ հատվածներում հրթիռակոծման հետևանքով։ Մահացել է նաև նախորդ օրը՝ մայիսի 11-ին, վնասվածքներով հիվանդանոց տեղափոխված կինը։ Կիրակի …

Ֆրանսիան ողջունում է մայիսի 10-ին և 11-ին Ալմաթիում Հայաստանի և Ադրբեջանի ԱԳ նախարարների միջև նոր բանակցությունների անցկացումը։ Այս մասին ասվում է Ֆրանսիայի ԱԳՆ-ի հայտարարության մեջ։ Փարիզն ընդգծում է որպես գործընթացի հիմք 1991 թվականի Ալմաթիի հռչակագրին ու տարածքային ամբողջականության փոխադարձ ճանաչմանը Երևանի ու Բաքվի հավատարմությունը վերահաստատելու կարևորությունը՝ 2022 թվականի հոկտեմբերի 7-ին Պրահայում կայացած քառակողմ հանդիպմանը համահունչ։ …

Մրցակցության պաշտպանության հանձնաժողովի նախագահ Գեղամ Գևորգյանը Գդանսկում մասնակցել է «Սպառողների պաշտպանության և օրենսդրության կիրարկման միջազգային ցանց» (ICPEN) կազմակերպության համաժողովին և բարձր մակարդակի հանդիպմանը․ տեղեկացնում են ՄՊՀ։ Հայաստանի մրցակցային մարմնի ղեկավարը մասնակցել է շուկայում գորշ պատկերների միջոցով անբարեխիղճ մրցակցության դրսևորումների և դրանց դեմ արդյունավետ պայքարի վերաբերյալ պանելային քննարկմանը, որի ընթացքում ներկայացրել է տաքսի ծառայությունների մատուցման էլ. …

Մեկնարկել է ԱԺ ֆինանսավարկային և բյուջետային հարցերի հանձնաժողովի հերթական նիստը։