10.12.2025 | 21:28
Կրոնական ազատությունը Հայաստանում ժողովրդավարության կարևոր բաղադրիչներից է։
Ուկրաինան և Ռուսաստանը պետք է տարածքային զիջումների գնան, հակառակ դեպքում՝ Վաշինգտոնը դուրս կգա բանակցային գործընթացից. ԱՄՆ փոխնախագահ
Քաղաքականություն
23.04.2025 | 14:51
Միացյալ Նահանգների փոխնախագահ Ջեյ Դի Վենսը հայտարարել է, որ ԱՄՆ-ը «շատ հստակ առաջարկ է ներկայացրել» Ռուսաստանին և Ուկրաինային խաղաղ համաձայնության ուղիների վերաբերյալ՝ հավելելով, որ «ժամանակն է ասել «այո», հակառակ դեպքում՝ ԱՄՆ-ը դուրս կգա այս գործընթացից», հայտնում է BBC-ն՝ հղում անելով Bloomberg-ին:
Վենսը լրագրողների հետ զրույցում ասել է, որ թե՛ Ուկրաինան, թե՛ Ռուսաստանը պետք է հրաժարվեն որոշ տարածքներից, որոնց նկատմամբ հավակնություններ ունեն։
«Պետք է որոշ տարածքային փոխանակումներ տեղի ունենան»,- նշել է ամերիկացի պաշտոնյան՝ հավելելով՝ պարտադիր չէ, որ սահմանը համընկնի ներկայիս ճակատային գծին։
Նկատենք, որ ավելի վաղ գործակալության աղբյուրները հայտնել էին, որ ԱՄՆ-ը պատրաստ է ճանաչել Ռուսաստանի վերահսկողությունը բռնակցված Ղրիմի նկատմամբ և մեղմացնել պատժամիջոցները՝ հնարավոր խաղաղ համաձայնության շրջանակում։ Սակայն Ուկրաինայի նախագահ Վլադիմիր Զելենսկին նախօրեին հայտարարել է, որ իր երկիրը երբեք չի ճանաչի Ղրիմի ռուսական օկուպացիան։
