ԱՄՆ-ում ռուսաստանցի է ձերբակալվել լրտեսության մեղադրանքով․ նա հետևել է Ուկրաինային աջակցող ընկերության գործունեությանը

Լուրեր

19.11.2026 | 17:07
Ինչո՞ւ հետաձգվեց, ապա չեղարկվեց Միրզոյանի և Գերմանիայի ԱԳ նախարարի համատեղ ասուլիսը
19.11.2026 | 17:00
ԱՄՆ-ում ռուսաստանցի է ձերբակալվել լրտեսության մեղադրանքով․ նա հետևել է Ուկրաինային աջակցող ընկերության գործունեությանը
19.11.2026 | 16:51
Փաշինյանը դեկտեմբերի 3-ին կմեկնի Մոսկվա և կհանդիպի Պուտինի հետ․ ՏԵՍԱՆՅՈՒԹ
19.11.2026 | 16:46
Ամերիկյան AECOM-ը Մհեր Գրիգորյանին ներկայացրել է ԹՐԻՓՓ նախագծի տեխնիկատնտեսական ուսումնասիրության նախնական արդյունքները
19.11.2026 | 16:35
Բագրատ արքեպիսկոպոս Գալստանյանի տնային կալանքի ժամկետը 3 ամսով երկարաձգվեց
19.11.2026 | 16:24
Գրեթե բոլոր ռուսական բանկերը սանկցիաների տակ են, մեզ համար դա խնդիրներ է ստեղծում․ Մարտին Գալստյան․ ՏԵՍԱՆՅՈՒԹ
19.11.2026 | 16:13
Կրեմլը հայտնել է, որ Ուկրաինայի թեման ԱՄՆ-ի և Չինաստանի հետ եռակողմ հանդիպման առանցքային հարցը չի եղել
19.11.2026 | 16:05
Խվիչա Կվարացխելիան տարվա մարդ է ճանաչվել GQ France ամսագրի վարկածով
19.11.2026 | 15:55
Հայաստանի տնտեսությունը տուժել է, որպեսզի ընդդիմությունն ավելի շատ քվե ստանա՞․ Ռուբինյան․ ՏԵՍԱՆՅՈՒԹ
19.11.2026 | 15:51
Պուտինը, Թրամփն ու Սի Ցզինպինը համատեղ հռչակագիր են ընդունել․ ինչ կետեր են ներառված
19.11.2026 | 15:47
ՖԻՖԱ-ի նախագահի պաշտոնում առաջադրվել է երեք թեկնածու
19.11.2026 | 15:38
Թբիլիսիի բնակելի շենքերից մեկում պայթյուն է տեղի ունեցել․ փլատակների տակ 7 մարդ կա, այդ թվում՝ երեխաներ
19.11.2026 | 15:30
Վազգեն Սարգսյանի անվան ռազմական ակադեմիայի կուրսանտները մասնակցել են Չինաստանում անցկացված միջազգային ծրագրին
19.11.2026 | 15:21
Բաքուն արդարացրել է հայ գերիների շինծու դատավճիռները և Ֆրանսիային կոչ արել «զերծ մնալ Ադրբեջանի ներքին գործերին միջամտելուց»
19.11.2026 | 15:10
Փաշինյանը՝ իր հրաժարականի պայմանի մասին // Հայաստանը հրավիրվել է G20-ի գագաթնաժողովին․ ԼՈՒՐԵՐ
Բոլորը

ԱՄՆ Արդարադատության նախարարությունը Ռուսաստանի քաղաքացուն մեղադրել է Քալիֆորնիայում՝ Սիլիկոնյան հովտում գործող տեխնոլոգիական և պաշտպանական ընկերության աշխատակիցներին լրտեսելու մեջ։ Ընկերությունը համագործակցում է Ուկրաինայի հետ։ Ռուսաստանի քաղաքացին ձերբակալվել է։ Այս մասին ասվում է գերատեսչության տարածած հայտարարության մեջ, գրում է Current time-ը։

Դատարան ներկայացված գործի նյութերի համաձայն՝ Իգոր Դյու անունով ռուսաստանցին մեղադրվում է առանց համապատասխան թույլտվության օտարերկրյա պետության գործակալի կարգավիճակով գործելու, ապօրինի հետևելու և անձը հաստատող փաստաթղթերի հետ կապված խարդախության մեջ։

Մեղադրական եզրակացության մեջ չի նշվում այն ընկերության անունը, որի աշխատակիցներին նա հետևել է, սակայն փաստաթղթում ընդգծվում է, որ այն բորսայում ցուցակված բարձր տեխնոլոգիաների ոլորտի ընկերություն է։

BBC-ի տվյալներով՝ խոսքը Palantir Technologies ընկերության մասին է։ Քալիֆորնիայի հյուսիսային շրջանի դատախազ Քրեյգ Միսակյանը գործի նյութերում ընդգծում է, որ, ըստ քննության վարկածի, Ռուսաստանի քաղաքացին հետևել է այդ ընկերության աշխատակիցներին այն պատճառով, որ ընկերությունն աջակցում է Ուկրաինային Ռուսաստանի դեմ պատերազմում։ Դատախազի խոսքով՝ առաջադրված մեղադրանքը վկայում է «պետության աջակցությամբ իրականացված գործողության» մասին։

BBC-ի պնդմամբ՝ Իգոր Դյուն 25 տարեկան է, ծնունդով Պետրոպավլովսկ-Կամչատսկիից։ Նա փոխել է ազգանունը․ նախկինում այն եղել է Գոլոդնյուկ։ Երիտասարդի մոր խոսքով՝ նա Պետրոպավլովսկից հեռացել է մոտ մեկ տարի առաջ։

ԱՄՆ Արդարադատության նախարարության տվյալներով՝ Դյուն հավաքագրվել է Telegram-ի միջոցով և կեղծ փաստաթղթերով ապօրինի մուտք գործել ԱՄՆ։ Պնդվում է, որ նրա առաքելությունն էր Պալո Ալտոյում գրասենյակ ունեցող ընկերության աշխատակիցների նկատմամբ «գաղտնի առաջադրանքներ» իրականացնելը։ Հետևելու համար անհրաժեշտ սարքավորումներ ձեռք բերելուց հետո Դյուն, ըստ մեղադրանքի, Պալո Ալտոյի սրճարաններից մեկում լուսանկարել է ընկերության աշխատակիցների նոութբուքերի էկրանները, ինչպես նաև փորձել է հեռակա հասանելիություն ստանալ նրանց տվյալներին։ Նա նաև հավաքել է ընկերության աշխատակիցների անձնական տվյալները։

Բարձր տեխնոլոգիաների ոլորտում աշխատող աղբյուրը BBC-ին հաստատել է, որ այդ գործողությունների թիրախը հենց Palantir ընկերությունն է եղել։ Աղբյուրի տեղեկություններով՝ ընկերության ներքին համակարգեր ներթափանցում տեղի չի ունեցել։ Palantir-ը գործի վերաբերյալ մեկնաբանություն չի արել։

Հոկտեմբերի վերջին Ռուսաստանի քաղաքացին ձերբակալվել էր, նրա բնակարանում խուզարկություն է իրականացվել։ Նոյեմբերի 2-ին նա ներկայացել է դատարան, իսկ այժմ գտնվում է կալանքի տակ։ Եթե դատարանը նրան մեղավոր ճանաչի, կարող է սպառնալ մինչև 15 տարվա ազատազրկում (սովորաբար նշանակվող պատիժները զգալիորեն ավելի մեղմ են, քան օրենքով նախատեսված առավելագույն ժամկետը)։

Ռուսական կողմը դեռևս չի մեկնաբանել Իգոր Դյուի ձերբակալությունը։ Հայտնի չէ նաև նրա պաշտպանական կողմի դիրքորոշումը։

Թարգմանությունը՝ Էմմա Չոբանյանի