25.08.2026 | 20:00
«Թուրքական ռազմաբազա Գյումրիո՞ւմ»․ կեղծ տեսանյութի տարածման հետքերով. ՏԵՍԱՆՅՈՒԹ
Դատարանն ԱՄՆ վարչակազմին պարտավորեցրել է վերականգնել «Ամերիկայի ձայն»-ի և այլ պետական լրատվամիջոցների գործունեությունը
Քաղաքականություն
23.04.2025 | 14:15
Վաշինգտոնի շրջանային դատարանը պարտավորեցրել է Թրամփի վարչակազմին դադարեցնել «Ամերիկայի Ձայնի» (Voice of America), «Ազատ Ասիա ռադիոկայանի» (Radio Free Asia) և «Մերձավոր Արևելքի Հեռարձակման Ցանցերի» (Middle East Broadcasting Networks) փակման փորձերը, հայտնում է Reuters-ը:
Դատարանն ԱՄՆ վարչակազմին պարտավորեցրել է վերականգնել ԱՄՆ պետական Գլոբալ զանգվածային լրատվամիջոցների գործակալության (USAGM) աշխատանքը, որի միջոցով լրատվամիջոցները ֆինանսավորվում են կառավարության կողմից՝ ամերիկյան արժեքներն աշխարհում տարածելու համար։
ԱՄՆ շրջանի դաշնային դատավոր Ռոյս Լամբերթը, որը զբաղվում է USAGM փակման հետևանքով տուժած աշխատակիցների և պայմանագրային աշխատողների կողմից ներկայացված վեց դատական հայցերով, կարգադրել է վարչակազմին «ձեռնարկել բոլոր անհրաժեշտ քայլերը»՝ աշխատակիցներին և պայմանագրայիններին իրենց պաշտոններին վերականգնելու և ռադիո-հեռուստատեսային և առցանց լրատվական գործունեությունը վերականգնելու ուղղությամբ։
