Հնդկաստանի վարչապետ Նարենդրա Մոդին խոստացել է խստորեն արձագանքել ապագա ցանկացած «ահաբեկչական հարձակման» և զգուշացրել, որ Նյու Դելին չի հանդուրժի «միջուկային շանտաժը» Պակիստանի հետ հետագա հակամարտության դեպքում։ Մոդին ժողովրդին ուղղված հեռուստատեսային ուղերձում, որն առաջինն էր անցյալ չորեքշաբթի ռազմական գործողությունների սկսվելուց ի վեր, ասել է, որ Պակիստանը ընտրել է հարձակվել, այլ ոչ թե օգնել «ահաբեկչության» դեմ պայքարում։ «Եթե …

Երևանի քաղաքապետարանը տեղեկացնում է, որ մայրաքաղաքում տրանսպորտային հոսքերի անցանելիությունն ավելացնելու նպատակով մայիսի 13-ից կկատարվի երթևեկության կազմակերպման փոփոխություն: «Մասնավորապես՝ Սեբաստիայի փողոց – Շահումյան 4-րդ փողոց և Սեբաստիայի փողոց – Շահումյան 1-ին փողոց խաչմերուկներում կարգելվի հետադարձը»,- ասված է հաղորդագրության մեջ:

Թուրքիայի արտգործնախարար Հաքան Ֆիդանը Քուրդիստանի աշխատավորական կուսակցության (PKK) կողմից լուծարման և զինաթափման մասին հայտարարությունը որակել է որպես «պատմական և կարևոր», գրում է Turkiye today-ը։ «Սա պատմական և կարևոր որոշում է։ Ես այս որոշումը համարում եմ չափազանց նշանակալից։ Եթե այն անկեղծորեն իրականացվի, կարծում եմ, որ օգտակար կլինի բոլորի համար»,- ասել է Ֆիդանը Անկարայում իր հորդանանցի և …

ԿԳՄՍ նախարար Ժաննա Անդրեասյանը գրել է, որ դպրոց ընդունելության գործընթացում հաշվի կառնվի երեխաների՝ կրթության զարգացման առանձնահատուկ պայմանների կարիքը և դրանից կախված՝ որոշ երեխաների մասով, իրենց լավագույն շահից ելնելով, կարող է որոշում կայացվել առաջին դասարան ընդունելության մասով յոթ տարին լրանալու դեպքում։ Նախարարը հորդորել է հետևել համապատասխան կարգավորումների առաջարկին, որ կտեղադրվի իդրաֆթ հարթակում՝ ներկայացնելով ծնողների դիտարկումները։

Մեծ Բրիտանիայի, Ֆրանսիայի, Գերմանիայի, Իտալիայի, Լեհաստանի և Իսպանիայի արտաքին գործերի նախարարներն ու  ԵՄ ներկայացուցիչը Լոնդոնում կայացած հանդիպման ժամանակ քննարկել են՝ ինչպես հետագայում աջակցել Ուկրաինային Ռուսաստանի դեմ պայքարում։ Այս մասին ասվում է տարածված համատեղ հայտարարության մեջ, գրում է France 24-ը։ Այս հանդիպումը տեղի է ունեցել Ֆրանսիայի, Գերմանիայի, Լեհաստանի և Մեծ Բրիտանիայի առաջնորդների՝ շաբաթ օրը Կիև կատարած …

Հասարակական գործիչ, պատմաբան Արամայիս Աղաբեկյանը Factor TV-ի հետ զրույցում խոսել է մայիսի 9-ին Նիկոլ Փաշինյանի Մոսկվա այցի և շքերթին ներկա գտնվելու քաղաքական հետևանքների, Արևմուտքի և ՌԴ-ի միջև լարված հարաբերությունների պայմաններում ՀՀ-ի կողմից հայտարարված բալանսավորման քաղաքականության, ՌԴ-ի հետ դաշինքի և երաշխիքների վրա հիմնված ՀՀ անվտանգային համակարգի ձախողման, դրանից հետևություններ անելու անհրաժեշտության, Ադրբեջանի հետ պատերազմի հավանականության, խաղաղության …

Բաքվի զինվորական դատարանում այսօր տեղի է ունեցել Արցախի ղեկավարների և այլ պաշտոնյաների շինծու գործերով հերթական դատական նիստը՝ դատավոր Զեյնալ Աղաևի նախագահությամբ։ Ադրբեջանական լրատվամիջոցների հաղորդմամբ, այսպես կոչված, «տուժողները» դատարանում ցուցմունք են տվել Քարվաճառի շրջանում, այդ թվում՝ Բաշլիբել (Ապահեն) գյուղում՝ «Թունել» կոչվող տարածքում և շրջանի այլ տարածքներում, իբր, «Հայաստանի զինված ուժերի կողմից ադրբեջանցիների սպանությունների, ինչպես նաև խաղաղ …

Վիեննայում մայիսի 14-15-ը կկայանա Հայաստանի Հանրապետության և Ավստրիայի Հանրապետության միջև առևտրատնտեսական և գիտատեխնիկական համագործակցության հանձնաժողովի 9-րդ նիստը։ Այս մասին որոշում է ստորագրել ՀՀ վարչապետ Նիկոլ Փաշինյանը։ «Հայաստանի Հանրապետության և Ավստրիայի Հանրապետության միջև առևտրատնտեսական և գիտատեխնիկական համագործակցության հանձնաժողովի 9-րդ նիստին մասնակցելու նպատակով 2025 թվականի մայիսի 14-15-ը Ավստրիայի Հանրապետություն (Վիեննա) գործուղել պատվիրակություն՝ համաձայն հավելվածի»,- ասվում է որոշման …

Մայիսի 9-ի գիշերը՝ ժամը 1.30-ին, ՆԳՆ ոստիկանության օպերատիվ կառավարման կենտրոն զանգահարած քաղաքացին հայտնել է, որ Այնթապ գյուղի 13-րդ փողոցի 12-րդ նրբանցքում ինչ-որ բան է այրվում, և խնդրել է շտապ ոստիկաններ մոտենան. տեղեկացնում են ՆԳՆ ոստիկանությունից։ Այնթապ մեկնած Մասիսի բաժնի համայնքային ոստիկանները և պարեկները պարզել են, որ համագյուղացիներին սպանելու նպատակով նրանց վագոն-տնակը բենզինով փորձել է հրկիզել …

ՀՀ բարձր տեխնոլոգիական արդյունաբերության նախարար Մխիթար Հայրապետյանը Հայաստանում ԵՄ պատվիրակության ղեկավար, արտակարգ և լիազոր դեսպան Վասիլիս Մարագոսի հետ մայիսի 12-ին այցելել է «Ինժեներական քաղաք»: Այս մասին տեղեկացնում են ԲՏԱ նախարարությունից: «Ինժեներական ասոցիացիայի» խորհրդի նախագահ Արամ Սալաթյանի և «Ձեռնարկությունների ինկուբատոր հիմնադրամի» տնօրեն Բագրատ Ենգիբարյանի ուղեկցությամբ նախարար Հայրապետյանն ու դեսպան Մարագոսը շրջել են «Ինժեներական քաղաքում»: Շրջայցին մասնակցել …