Երևանի ընդհանուր իրավասության դատարանի Շենգավիթի նստավայրում, դատավոր Աննա Դանիբեկյանի նախագահությամբ, ընթանում է Ռոբերտ Քոչարյանի և մյուս բարձրաստիճան պաշտոնյաների գործով դատական նիստը: Նիստի մեկնարկին Յուրի Խաչատուրովի փաատաբանը ներկայացրեց փաստաթուղթ, թե ինչու նախորդ նիստին չէր եկել դատարան: Աննա Դանիբեկյանը նշեց, որ բացակայությունը համարում է հարգելի: Ռոբերտ Քոչարյանի փաստաբան Հայկ Ալումյանն էլ դատարանում հայտարարեց, թե իրենց համար անհասկանալի …

ԱՀ առողջապահության նախարարության տրամադրած տեղեկատվության համաձայն՝ Արցախում հաստատվել է կորոնավիրուսային վարակի (COVID-19) 1 նոր դեպք: Վարակակիրը Մարտունու շրջանի Նոր Շեն գյուղում հաստատված օջախի շփման շրջանակից է և գտնվում էր մեկուսացման մեջ: Առողջացել է 7 քաղաքացի: Առայսօր, նոր կորոնավիրուսային հիվանդությունը հաստատվել է 316 մարդու մոտ, որից 277-ը հաղթահարել է հիվանդությունը: Փաստացի բուժում է ստանում 37, ընդհանուր …

Սեպտեմբերի 8-ին՝ ժամը 17։50-ին, «S7 Airlines» ընկերությունը «Դոմոդեդովո» օդանավակայանից կիրականացնի Մոսկվա-Երևան չարտերային չվերթը. տեղեկանում ենք Ռուսաստանում Հայաստանի դեսպանության ֆեյսբուքյան էջից: Տոմսերը կարելի է ձեռք բերել օդանավակայանում ընկերության ներկայացուցչությունից կամ պաշտոնական կայքից: Տոմսի արժեքը՝ 19.762 ռուբլի։ Չվերթի հետ կապված բոլոր հարցերով անհրաժեշտ է դիմել ավիաընկերությանը։

Մեղրիի սահմանային անցակետը կարող է լիարժեք աշխատել որպես մաքսային մարմին: Այս մասին այսօր ԱԺ ֆինանսավարկային և բյուջետային հարցերի հանձնաժողովի նիստում նշեց ՊԵԿ նախագահի տեղակալ Միքայել Փաշայանը: «Այսինքն՝ և՛ որպես անցակետ, և՛ որպես մաքսային արտաքին տնտեսական գործունեության ընթացակարգերի լիարժեք իրականացնող։ Մեղրիի անցակետը ավտոմեքենա մաքսազերծելու հնարավորություն կունենա»,- հավելեց Փաշայանը։ Մանրամասները՝ տեսանյութում:

Արցախի Հանրապետության պարետ, տարածքային կառավարման և զարգացման նախարար Ժիրայր Միրզոյանը ստորագրել է նոր որոշումներ, համաձայն որոնց՝ հանրապետություն մուտք գործելու և ելք կատարելու սահմանափակումները հանվում են: «Հետայսու հանրապետությունից ելք կատարելու համար պարետի թույտվությունն անհրաժեշտ չէ, վերացվում է նաև հանրապետություն մուտք գործելու համար որպես պարտադիր պայման կիրառվող ՊՇՌ թեստի պահանջը, սակայն սահմանային հսկիչ անցագրային կետերում ծառայություն իրականացնող …

Վրաստանում արձանագրվել է կորոնավիրուսի 45 նոր դեպք: Այս մասին հաղորդում է Վրաստանի «Առաջին ալիքը»՝ վկայակոչելով Հիվանդությունների վերահսկման ազգային կենտրոնի տվյալները։ Այսպիսով, այս պահի դրությամբ՝ Վրաստանում հաստատված է նոր կորոնավիրուսի 1․729 դեպք: Ապաքինվել է ևս վեց պացիենտ և ապաքինվածների ընդհանուր թիվը կազմել է 1․321։ Կարանտինի ռեժիմում 5․882 մարդ կա, իսկ ստացիոնար հսկողության տակ՝ 390-ը:  

Բելառուս ընդդիմադիր գործիչներ Իվան Կրավցովն ու Անտոն Ռոդնենկովը ձերբակալվել են Ուկրաինայի պետական ծառայության կողմից։ ՏԱՍՍ-ին այս մասին հաղորդել է Բելառուսի պետական սահմանային կոմիտեի պաշտոնական ներկայացուցիչ Անտոն Բիչկովսկին։ «Կրավցովն ու Ռոդնենկովը ձերբակալվել են երկու պետությունների սահմանային ծառայությունների միջև փոխգործակցության կարգին համապատասխան»,- ասել է նա։ Հիշեցնենք՝ ավելի վաղ հայտնի էր դարձել, որ Ռոդնենկովն ու Կրավցովը Ուկրաինայի տարածքում …

Արդարադատության նախարար Ռուստամ Բադասյանն այսօր ԱԺ-ում լրագրողների հետ զրույցում անդրադառնալով դիտարկմանը, որ Մարտի 1-ի գործով տուժողների իրավահաջորդները որոշել են դադարեցնել դատական նիստերին իրենց մասնակցությունը, և նրանք բոյկոտում են Ռոբերտ Քոչարյանի գործով դատական նիստը՝ իշխանությանն ուղղելով մեղադրանքներ, որ դատական համակարգի առողջացմանն ուղղված քայլեր չեն ձեռնարկվում, նշեց․ «Ամբողջությամբ ծանոթ չեմ Մարտի 1-ի զոհերի հարազատների տարածած հայտարարությանը և պատճառաբանություններին, …

Վարչապետ Նիկոլ Փաշինյանը շնորհավորական ուղերձ է հղել Անդորրայի Իշխանապետության վարչապետ Չավիեր Էսպոտ Սամորային՝ ազգային տոնի առիթով: Ուղերձում նշված է. «Ջերմորեն շնորհավորում եմ Ձեզ և Անդորրայի ժողովրդին Անդորրայի Իշխանապետության ազգային տոնի՝ կույս Մերիչելի օրվա կապակցությամբ: Օգտվելով առիթից՝ մաղթում եմ Ձեզ աշխատանքային բեղուն գործունեություն և նորանոր հաջողություններ, իսկ Անդորրայի բարեկամ ժողովրդին՝ խաղաղություն և բարօրություն»:

ԱԺ ֆինանսավարկային և բյուջետային հարցերի հանձնաժողովի նիստում այսօր քննարկվեց նաև «Սպառողական կրեդիտավորման մասին» օրենքում լրացում կատարելու մասին օրենսդրական նախագիծը, որով առաջարկվում է գիշերային ժամերին արգելել սպառողական վարկերի տրամադրումը. պատգամավորները խաղամոլության կամ գողոնի իրացման ռիսկեր են տեսնում: ՀՀ ԿԲ նախագահի տեղակալ Ներսես Երիցյանը, ներկայացնելով իր դիտարկումները, նշեց, որ խնդիրը միայն օրենսդրական այս կարգավորումով հնարավոր չէ լուծել․ «Այս …