Փաստաբան Սեդա Սաֆարյանը Արման Բաբաջանյանի հիմնած «Հանուն հանրապետության» կուսակցության հետ մասնակցելու է առաջիկա արտահերթ խորհրդարանական ընտրություններին։ Այս մասին հայտարարություն է տարածել կուսակցությունն իր ֆեյսբուքյան էջում։ «Հարգելի համակիրներ, հետևորդներ և հայրենակիցներ, ցանկանում ենք ձեզ տեղեկացնել, որ Սեդա Սաֆարյանը մեր կուսակցության հետ  մասնակցելու է առաջիկա արտահերթ խորհրդարանական ընտրություններին»,- ասվում է հաղորդագրությունում։

Դատավոր Լիլիթ Սարգսյանի որոշմամբ կարճվել է ԱԱԾ նախկին տնօրեն Արթուր Վանեցյանն ընդդեմ Նիկոլ Փաշինյանի և նրա խոսնակի գործի վարույթը։ Հիշեցնենք, որ ապրիլի 29-ին Մանե Գևորգյանը սոցցանցի իր էջում կատարել էր հետևյալ գրառումը․ «Վարչապետի աշխատակազմի տվյալներով Սերժ Սարգսյանի փեսա Միքայել Մինասյանը կեղծ փայատերերի միջոցով ապօրինի փայաբաժիններ է ունեցել նաև «Սպայկա» ընկերությունում, «Երևան մոլում», «Շանթ» և «Արմենիա» …

Ապրիլի  19-ին, 22-ին հիմնականում կեսօրից հետո առանձին շրջաններում, 20-21-ի ցերեկը շրջանների զգալի մասում սպասվում է կարճատև անձրև և ամպրոպ։ Քամին՝ հարավ-արևմտյան՝ 5-10 մ/վ, առանձին շրջաններում հնարավոր է քամու ուժգնացում՝ 15-20 մ/վ: Օդի ջերմաստիճանը,  պայմանավորված հարավից տաք օդային հոսանքների ներթափանցմամբ աստիճանաբար կբարձրանա 8-10 աստիճանով: Երևանում՝ ապրիլի 19-ին և 22-ին սպասվում է առանց տեղումների եղանակ, ապրիլի 20-21-ի …

Վրաստանում արձանագրվել է կորոնավիրուսի 818 նոր դեպք, հաղորդում է Jnews.ge-ն, հղում կատարելով կառավարության stopcov.ge հատուկ կայքին: Վերջին 24 ժամում անցկացվել է 18 822 թեստ, այստեղից 10 197-ը՝ հակագենի, 8 625-ը՝ ՊՇՌ թեստով: Դրականության ցուցանիշը. օրական՝ 4,35%, վերջին 14 օրը՝ 2,98%, վերջին 7 օրը՝ 3,41%: Վերջին 24 ժամում կորոնավիրուսից մահացել է 14 մարդ: Համավարակի մեկնարկից մինչ …

Այսօր ժամը 11.00-ի շրջանակներում, սեյսմոլոգները գրանցել են 5,6 մագնիտուդ ուժգնությամբ երկրաշարժ Իրանի հարավային մասում: Այդ մասին հայտնել է Եվրոպական միջերկրածովյան սեյսմոլոգիական կենտրոնը, գրում է RT-ն: Ստորգետնյա ցնցումների օջախը գտնվել է 5 կմ խորության վրա: Երկրաշարժի էպիկենտրոնը գտնվել է Բուշիր քաղաքից շուրջ 100 կմ հեռավորության վրա: Տուժածների եւ հնարավոր ավերածությունների մասին տեղեկություններ ներկայում չկան:

Երեկ Արցախի՝ Ադրբեջանի վերահսկողության տակ անցած Ակնա (Աղդամ) շրջանում ադրբեջանցին պայթել է ականի վրա, անդամահատել են նրա ձախ ոտքը: Այս մասին հայտնում է Ադրբեջանի դատախազությունը։ Նշվում է, որ այդ տարածքում ադրբեջանցին ոչխարների հոտի էր արածեցնում։ Դատախազությունը քննությունը է կատարում մանրամասները իմանալու համար։

Վարչապետ Նիկոլ Փաշինյանի գլխավորությամբ ՀՀ Կենտրոնական բանկի Դիլիջանի ուսումնահետազոտական կենտրոնում տեղի է ունեցել խորհրդակցություն։ «Այսօր քննարկելու ենք տնտեսական ընթացիկ վիճակը, մեր հետագա անելիքներն ու ռազմավարությունը»– նշել է վարչապետը։ Քննարկվել են տնտեսական քաղաքականությանը, տնտեսության վերականգնման հեռանկարներին ու հնարավորություններին, թվայնացման օրակարգին, հարկային քաղաքականության առաջնահերթություններին, հարկաբյուջետային քաղաքականությանն ու առանցքային հիմնախնդիրներին վերաբերող հարցեր:

Ամբողջ աշխարհում կորոնավիրուսով վարակված մարդկանց թիվն արդեն գերազանցել է 140 միլիոնը։ Հայտնում է Առողջապահության համաշխարհային կազմակերպությունը: ԱՀԿ-ի տվյալներով՝ կորոնավիրուսից մահացածների թիվն աշխարհում 3 միլիոնից ավելի է: ԱՀԿ-ն հաշվի է անում միայն պաշտոնապես հաստատված տեղեկությունները, որոնք տրամադրում են երկրները: Կան երկրներ, օրինակ Բրազիլիան, որտեղ գերեզմանոցների տեղերի սահմանափակ լինելու պատճառով հատուկ շինություններ են պատրաստել կորոնավիրուսից մահացածների համար։

ՀՀ տարածքում կան փակ ավտոճանապարհներ. փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները։ Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացած տեղեկատվության համաձայն՝ Ստեփանծմինդա-Լարս ավտոճանապարհը բաց է։ Ռուսական կողմում կուտակվել է մոտ 400  բեռնատար ավտոմեքենա։

Ապրիլի 17-ին կատարվել է 63 թեստավորում, որի արդյունքում Արցախում հաստատվել է կորոնավիրուսային հիվանդության 7 դեպք: Վարակակիրները նախկինում հաստատված օջախների կոնտակտավորներ են: Կորոնավիրուսային հիվանդությամբ այս պահին ստացիոնար բուժում է ստանում 30 վարակակիր, իսկ թեթև ձևերը ամբուլատոր բուժում են ստանում տնային պայմաններում: Արցախում այս տարվա ընթացքում կորոնավիրուսի լաբորատոր հայտնաբերման նպատակով իրականացվել է 5645 քաղաքացու հետազոտություն, որից 722-ի …