14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
ԵՄ հետ համագործակցող Արթուր Ղազինյանը Նավալնու քաղբանտարկյալ լինելու մասին հարց է տալիս. Եղոյան․ ՏԵՍԱՆՅՈւԹ
Քաղաքականություն
11.08.2021 | 11:50
Հերթական անգամ մեր գործընկերները ԱԺ ամբիոնն օգտագործեցին քաղաքական դիվիդենտներ շահելու համար: Այս մասին ԱԺ ամբիոնից հայտարարեց «Քաղաքացիական պայմանագիր» խմբակցության պատգամավոր Արման Եղոյանը՝ անդրադառնալով ընդդիմադիր խմբակցությունների պատգամավորների ելույթներին:
Արման Եղոյանն անդրադարձավ Հայկ Մամիջանյանի՝ «տրիոյի» վերաբերյալ հարցին, Արթուր Ղազինյանի հարցադրմանը՝ Նավալնին քաղբանտարկյա՞լ է, թե՞ ոչ:
Դիմելով Ղազինյանին, ով պատրաստվում էր դուրս գալ դահլիճից, Եղոյանը հորդորեց մնալ. «Պարո՛ն Ղազինյան, դուք էլ կարող եք մնալ, որ վերջապես իմանաք՝ Նավալնին քաղբանտարկյա՞լ է, թե՞ չէ»:
«Չեմ կարողանում հասկանալ որոշ գործընկերների այդ գործելաոճը, թե ինչպես կարող է Հայաստանը ներկայացնող մարդը՝ պատգամավորը, մեկ այլ պատգամավորի այս ամբիոնից հարցնել՝ ի՞նչ եք կարծում՝ Նավալնին քաղբանտարկյա՞լ է, թե՞ ոչ: Ու այդ մարդը՝ Արթուր Ղազինյանը, Եվրոպական ուսումնասիրությունների կենտրոնի ղեկավարն է, երկար տարիներ համագործակցել է ԵՄ հետ, ԵՄ աջակցությամբ է բացվել այդ կենտրոնը, և «եվրոպագիտություն» առարկան կառավարության որոշմամբ դարձել է պաշտոնապես դասավանդվող առարկա, և նա այդ հարցը տալիս է՝ հույս ունենալով ի՞նչ, որ այդ պատգամավորը կսայթաքի, մի սխալ բան կասի այս ամբիոնից, ու Հայաստանը կհայտնվի անհարմար վիճակի մե՞ջ: Եթե պարոն Ղազինյանի նպատակը օգնելն էր, հուշելն էր այդ հարցի պատասխանը, կարող էր մոտենալ և որպես փորձառու եվրոպագետ խորհուրդ տալ, թե ինչ պատասխան տալ, եթե միջազգային ատյաններում այսպիսի հարց հնչի, և ոչ թե գալ, այս ամբիոնից հարցնել՝ Նավալնին քաղբանտարկյա՞լ է, թե՞ քաղբանտարկյալ չէ. դա ի՞նչ հարց է»,- նշեց Եղոյանը:
Մանրամասները՝ տեսանյութում:
