14.09.2026 | 15:10
Ռուբինյանի արձագանքը Հաջիևի հայտարարություններին // Ռոբերտ Քոչարյանը սրտաբանի հսկողության ներքո է․ ԼՈՒՐԵՐ
Եվրահանձնաժողովն ավելացրել է իր ֆինանսական աջակցությունն Արևելյան գործընկերության երկրներին՝ հասցնելով այն 75 մլն եվրոյի
Քաղաքականություն
11.08.2021 | 12:17
ԵՄ գործընկեր երկրների բնակչության պատվաստումների աջակցությանն ուղղված ջանքերի շրջանակում Եվրոպական հանձնաժողովն ավելացրել է իր ֆինանսական աջակցության 40 միլիոն եվրոյի փաթեթը՝ հասցնելով այն 75 մլն եվրոյի և ուղղելով Արևելյան գործընկերության վեց երկրներին՝ Հայաստանին, Ադրբեջանին, Բելառուսին, Վրաստանին, Մոլդովայի հանրապետությանը և Ուկրաինային` Covid-19-ի դեմ անվտանգ և արդյունավետ պատվաստանյութերի տեղակայմանը և պատվաստումների իրականացման արշավների արագացման համար։ Այս մասին ասված է ԵՄ պաշտոնական կայքէջում։
Այս նոր 35 միլիոն եվրոյի օգնության փաթեթով ԵՄ-ն ձգտում է էապես բարձրացնել պատվաստանյութերի հասանելիությունը Արևելյան գործընկերության տարածաշրջանում` գլոբալ պատվաստանյութերի սղության պայմաններում՝ դյուրացնելով պատվաստանյութների փոխանակումը ԵՄ անդամ երկրների կողմից և փոխհատուցելով դրա արժեքը:
Այս օժանդակությունը լրացնում է ԵՄ-ի աջակցությունը COVAX նախաձեռնությանը, որն ապահովում է COVID-19-ի դեմ պատվաստանյութերի արդար և համընդհանուր հասանելիությունը և աշխատում է պատվաստանյութերի հավասար և թափանցիկ բաշխման ուղղությամբ Արևելյան գործընկերության երկրներում:
Այն հատկացվում է, որպես լրացում 40 միլիոն եվրո արժողությամբ աջակցության առաջին փաթեթին, որը հատկացվել էր փետրվարին `տեղի իշխանությունների՝ բնակչության անվտանգ և արդյունավետ պատվաստումների պատրաստվածությունն ամրապնդելու համար` Առողջապահության համաշխարհային կազմակերպության հետ համատեղ:
«ԵՄ-ն մտադիր է աջակցել Արևելյան գործընկերության երկրներին՝ արագացնելու պատվաստումների գործընթացը, քանի որ այն որոշիչ է լինելու համաճարակի վերջ դրման ու տարածաշրջանի սոցիալտնտեսական վերականգնման համար։ Մենք հոգում ենք մեր գործընկերների մասին»,- հայտարարել է ԵՄ Հարևանության և ընդլայնման հարցերով հանձնակատար Օլիվեր Վարհելին։
Տաթև Ֆռանգյան
