Քաղաքականություն
11.08.2021 | 12:54
Կոլեկտիվ իմունիտետի հասնել «հնարավոր չէ» , եթե գերիշխող լինի կորոնավիրուսի «Դելտա» տարատեսակը։ Այս մասին The Guardian-ի հաղորդմամբ հայտնել են փորձագետները։
Օքսֆորդի պատվաստումների խմբի ղեկավար, պրոֆեսոր Էնդրյու Փոլարդն այս գաղափարը «միֆ» է անվանել ու զգուշացրել է, որ պատվաստումների գործընթացը չպետք է կառուցվի այս գաղափարին հասնելու շուրջ։
Կոլեկտիվ իմունիտետ է ձեռք բերվում, երբ բավարար թվով մարդիկ դիմադրողականություն են ձեռքբերում պատվաստման կամ վարակվելու ու առողջանալու միջոցով, այնպես որ այն դադարում է զգալիորեն տարածվել բնակչության շրջանում։
«Մենք հստակ գիտենք, որ կորոնավիրուսի «դելտա» տարբերակը վարակում է նաև պատվաստված մարդկանց, իսկ դա նշանակում է, որ դեռևս չպատվաստված ցանկացած մարդ, ինչ-որ մի պահի կհանդիպի վիրուսին»,- ասել է Փոլարդը։
Նա հայտարարել է, որ պատվաստանյութերը կարող են միայն դանդաղեցնել վիրուսի տարածման գործընթացը, սակայն դրանք չեն կարող ամբողջությամբ դադարեցնել դրա տարածումը։
Նա կանխատեսել է, որ հաջորդը կարող է լինել «վիրուսի տարատեսակ, որը գուցե նույնիսկ ավելի լավ կփոխանցվի պատվաստված բնակչության շրջանում»:
Տաթև Ֆռանգյան
