Երկուշաբթի գիշերը, ենթադրաբար, պայթյուն է որոտացել Ռուսաստանի Կրասնոդարի մարզը բռնակցված Ղրիմի թերակղզու հետ կապող կամրջի վրա։ Արդյունքում երկու մարդ մահացել է, կամրջով երթևեկությունը դադարեցվել է, գրում է BBC-ի ռուսական ծառայությունը։ Ռուսական իշխանությունների հաղորդմամբ՝ «արտակարգ դեպք» է տեղի ունեցել Կուբանի կողմից Ղրիմի կամրջի 145-րդ հենասյան տարածքում։ Միջադեպի պատճառները դեռևս պաշտոնապես չեն հայտարարվել։ Սակայն տեղական աղբյուրները գրել …

Երևանի գիշերային լուսավորությունը 1 ժամով կերկարացվի: Երևանի քաղաքապետարանի գործակարգավորական նիստի ժամանակ այս մասին հայտարարեց փոխքաղաքապետ Տիգրան Ավինյանը։ «Գևորգ Սիմոնյանի հետ քննարկել ենք Երևանի լուսավորության ժամերի երկարացման հարցը։ Հենց այս տարվանից նվազագույնը մեկ ժամով պետք է ամբողջ քաղաքում լուսավորությունն ավելացնենք։ Հաջորդ տարվանից խետք է ձգտենք նրան, որ ամբողջ գիշեր լուսավոր պահենք Երևանը։»,- նշեց Ավինյանը։ Մանրամասները՝ տեսանյութում։

Մյասնիկյան պողոտայում խցանումները մեղմելու նպատակով կատարվել են ուսուսումնասիրություններ: Այս մասին տեղեկացնում է Երևանի քաղաքապետարանը: Հաշվի առնելով միջազգային փորձը՝ նախատեսվում է ձեռք բերել հատուկ տեխնիկա, որը հնարավորություն կտա ծանրաբեռնված երթևեկության ժամերին ավելացնել լրացուցիչ գոտի հանդիպակաց ուղղության հաշվին՝ տեղաշարժելով բաժանիչ գոտում տեղակայված պատնեշները:

Արցախում մեկնարկած համաժողովրդական շարժումը այսօրվանից կծավալվի նաև Հայաստանի Հանրապետությունում։ Այս մասին հայտնում է Արցախի Հանրապետության պետնախարար Գուրգեն Ներսիսյանը: «Առավոտյան ժամը 11։00-ից ՀՀ-ում Արցախի ներկայացուցչության և Արցախի կառավարության օպերատիվ շտաբի համակարգմամբ կկազմակերպվեն Արցախում ստեղծված իրավիճակի վերաբերյալ իրազեկման ակցիաներ։ Կոչ եմ անում բոլորին միանալ շարժմանը և մասնակից դառնալ նախատեսված միջոցառումներին։ Հումանիտար աղետալի վիճակում գտնվող Արցախի ժողովուրդը ելել …

Հուլիսի 17-ին՝ ժամը 00:05 -01:40-ն ընկած ժամանակահատվածում, Ադրբեջանի ԶՈՒ ստորաբաժանումները հրաձգային զենքերից կրակ են բացել Սոթքի և Ներքին Հանդի հատվածում տեղակայված հայկական դիրքերի ուղղությամբ: Այդ մասին հայտնում են ՀՀ ՊՆ-ից։

Հուլիսի 16- ին` ժամը 20:20-ի սահմաններում ադրբեջանական զինուժը Մարտակերտի շրջանում խախտել է հրադադարը՝ կիրառելով հրաձգային զենք։ Այս մասին տեղեկացնում է Արցախի ՊՆ մամուլի ծառայությունը։ Հայկական կողմում կորուստներ չկան։ Տեղի ունեցածի մասին հաղորդվել է ՌԴ խաղաղապահ զորակազմի հրամանատարությանը։

Ինչպես հայտարարվել էր Վարդավառի տոնական միջոցառումներով պայմանավորված` ՀՀ ՆԳ նախարարության ենթակա ծառայությունները՝ ոստիկանությունն ու փրկարար ծառայությունն անցել են ուժեղացված ծառայության: «Ժամը 18.00-ի դրությամբ Վարդավառի տոնական միջոցառումների հետ կապված ՆԳՆ ոստիկանության օպերատիվ կառավարման կենտրոնում ստացվել է հանցագործության՝ 1, պատահարների՝ 17 և ճանապարհատրանսպորտային պատահարների վերաբերյալ 5 ահազանգ: Արձանագրված բոլոր ահազանգերով ոստիկանությունը ձեռնարկել է անհրաժեշտ միջոցառումներ: Ուժեղացված ծառայության …

Ոստիկանության Վաղարշապատի բաժնի քրեական հետախույզները հուլիսի 14-ին Երևան քաղաքի Գրիգոր Հասրաթյանի փողոցում հայտնաբերել և բաժին են տեղափոխել 55-ամյա Գայանե Բ.-ին, որը հետախուզվում էր ՀՀ քրեական օրենսգրքի 255-րդ հոդվածի (Խարդախությունը) մեղադրանքով: Հայտնում են ոստիկանությունից: Խափանման միջոց է ընտրվել բացակայելու արգելքը։