12.08.2026 | 22:00
ԶՊՄԿ-ի պատմության լավագույն շրջանը
ԲՏԱ նախարարը և սփյուռքի գործերի գլխավոր հանձնակատարը քննարկել են համագործակցության հնարավորությունները
Քաղաքականություն
05.01.2024 | 19:25
ՀՀ բարձր տեխնոլոգիական արդյունաբերության նախարար Մխիթար Հայրապետյանը հանդիպել է ՀՀ վարչապետի աշխատակազմի սփյուռքի գործերի գլխավոր հանձնակատար Զարեհ Սինանյանի հետ: Այս մասին տեղեկացնում են ԲՏԱ նախարարությունից։
Զարեհ Սինանյանը շնորհավորել է Մխիթար Հայրապետյանին նախարարի պաշտոնում նշանակվելու առթիվ և հաջողություններ մաղթել հետագա պաշտոնավարման ընթացքում:
«Վստահ եմ, որ Ձեր նշանակումը նոր հեռանկարներ կարող է ապահովել բարձր տեխնոլգիաների ոլորտի զարգացման համար: Այս ոլորտը մեծ կարևորություն ունի մեր պետության համար, և համակարգային ուժի առկայությունը ու ներգրավվածությունը լուրջ խթան կարող են դառնալ դրա զարգացման գործում․ այստեղ մեր առավելությունը կարող է դառնալ նաև սփյուռքի մասնագիտական ներուժը»,- նշել է Զարեհ Սինանյանը:
Նախարար Մխիթար Հայրապետյանը շնորհակալություն է հայտնել շնորհավորանքի և բարեմաղթանքի համար և ընդգծել, որ համագործակցության լայն դաշտ է տեսնում:
«Համագործակցության լուրջ նախադրյալներ կան տարբեր ոլորտներում, հատկապես տեղեկատվական և բարձր տեխնոլոգիաների ոլորտում, և համոզված եմ, որ շատ կարճ ժամանակում կարող ենք շոշափելի արդյունքներ գրանցել»,- ասել է նախարարը:
Հանդիպման ընթացքում քննարկվել են երկկողմ հետաքրքրրության մի շարք հարցեր, նախանշվել են համագործակցության առկա հնարավորությունները:
