15.09.2026 | 09:33
ՀՀ տարածքում ավտոճանապարհներն անցանելի են
Արգել գյուղում մեքենաներ են բախվել․ տուժածները հոսպիտալացվել են
05.01.2024 | 19:52
Հունվարի 5-ին՝ ժամը 12։18-ին, Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արգել գյուղի ամառանոցների մոտակայքում տեղի է ունեցել ՃՏՊ. կա 2 տուժած: Այս մասին տեղեկացրին ՆԳՆ ՓԾ-ից։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ գյուղի վերջնամասում բախվել են «VAZ» (վարորդ՝ Դ. Դ., ծնված 1996 թ․) և «VAZ» (վարորդ՝ Ա. Ա., ծնված 1971 թ.) մակնիշների ավտոմեքենաները:
Մինչ փրկարարների կանչի վայր հասնելը՝ վարորդները, ուղևորներ Տ. Հ.-ն (ծնված 1980 թ.) և Մ. Ա.-ն (ծնված 2020 թ.) հոսպիտալացվել են բժշկական կենտրոններ:
Փրկարարները հոսանքազրկել են ավտոմեքենաները և փակել գազի բալոնների փականները։
