Լեհաստանում սկսվել են խորհրդարանական ընտրությունները։ Հաղորդում է Deutsche Welle-ն։ Ըստ վերջին հարցումների՝ փոխվարչապետ Յարոսլավ Կաչինսկու իշխող ազգային պահպանողական «Իրավունք և արդարություն» կուսակցությունը, հավաքելով ձայների 34 տոկոսը, ընդամենը մի փոքր առաջ է անցել ընդդիմադիր լիբերալ պահպանողական «Քաղաքացիական պլատֆորմ»  կուսակցությունից։ Վերջինս առաջնորդում է Լեհաստանի նախկին վարչապետ և Եվրոպական խորհրդի նախկին նախագահ Դոնալդ Տուսկը, որին պատրաստ է քվեարկել …

Արցախի ԱԽ նախկին քարտուղար Վիտալի Բալասանյանը երկու օր առաջ հարցաքննվել է ԱԱԾ-ում` վկայի կարգավիճակով: Այս մասին Factor.am-ի հետ զրույցում ասաց Բալասանյանի  փաստաբան Ռաֆայել Մարտիրոսյանը: «Պարոն Բալասանյանն ապօրինի զենք-զինամթերք պահելու գործով է հարցաքննվել, գործի հետ ընդհանրապես առնչություն չունի, նա որպես վկա է հարցաքննվել»,- հայտնեց փաստաբանը: Մարտիրոսյանը նաև նշեց, որ իր կարծիքով՝ Վիտալի Բալասանյանի ցուցմունքները որևէ առնչություն …

Միացյալ Նահանգների պետքարտուղարությունը հերքում է Politico պարբերականի հրապարակումն այն մասին, թե իբր պետքարտուղար Էնթոնի Բլինքենն ԱՄՆ օրենսդիրների հետ հանդիպմանը նախազգուշացրել է, որ առաջիկա շաբաթների ընթացքում Ադրբեջանը կարող է ներխուժել Հայաստան։ «Արմենպրես»-ին տված մեկնաբանության մեջ պետքարտուղարության խոսնակ Մեթյու Միլլերը հայտնել է, որ հոդվածում տեղ գտած տեղեկատվությունը «սխալ է» և «չի արտացոլում այն, ինչ պետքարտուղար Բլինքենն ասել է …

Իրանի արտաքին գործերի նախարար Հոսեյն Ամիր Աբդոլլահյանը և ՀԱՄԱՍ-ի քաղաքական բյուրոյի ղեկավար Իսմայիլ Հանիեն հանդիպել և բանակցություններ են անցկացրել Դոհայում։ Հայտնում է IRNA լրատվական գործակալությունը։ Հաղորդվում է, որ Ամիրաբդոլլահյանը նախքան այդ հանդիպել է նաև Քաթարի արտաքին գործերի նախարարի և վարչապետի հետ:  

Աֆղանստանի արևմուտքում նոր երկրաշարժ է տեղի ունեցել: ԱՄՆ Երկրաբանական ծառայությունը (USGS) հայտնում է, որ 6,3 մագնիտուդով երկրաշարժը տեղի է ունեցել Հերաթ քաղաքի մոտակայքում: Այն գտնվում էր 6,3 կմ (չորս մղոն) խորության վրա։ Հաղորդում է BBC-ն։ Առայժմ զոհերի և վիրավորների մասին տեղեկություններ չկան։ Հիշեցնենք, որ հոկտեմբերի 7-ին և 11-ին Հերաթի մոտակայքում կրկին երկրաշարժեր են տեղի ունեցել, որոնց …

Իսրայելը շաբաթ ուշ երեկոյան ավիահարվածներ է հասցրել Սիրիայի Հալեպի օդանավակայանին, ինչի հետևանքով այն դուրս է եկել շահագործումից, հայտնել է Սիրիայի պաշտպանության նախարարությունը։ «Թշնամին օդային հարձակում է իրականացրել Միջերկրական ծովի ուղղությամբ՝ Լաթաքիայից արևմուտք՝ թիրախավորելով Հալեպի միջազգային օդանավակայանը, ինչը նյութական վնաս է հասցրել օդանավակայանին և այն դուրս է եկել շահագործումից»,- հավելել է նախարարությունը։

Հայաստանի բռնցքամարտի հավաքականը Բուդվայում անցկացվող բռնցքամարտի Եվրոպայի գավաթի խաղարկության թիմային պայքարում 3-րդն է` 1 ոսկե, 1 արծաթե և 4 բրոնզե պարգևով։ Հայտնում են Հայաստանի բռնցքամարտի ֆեդերացիայից։ Նարեկ Մանասյանը 92 կգ քաշային կարգում դարձել է Եվրոպայի գավաթակիր։ Նրա մրցակից Իտալիայի ներկայացուցիչ Ազիզ Աբեզ Մուհիդինը վնասվածքի պատճառով չներկայացավ մենամարտին ու հաղթանակը շնորհվեց հայ մարզիկին։ Արծաթե մեդալակիր դարձավ …

Փրկարար ծառայությունը տեղեկացնում է, որ ՀՀ տարածքում ավտոճանապարհներն անցանելի են։ Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։

Ավելի քան 100 հազար բռնի տեղահանված արցախցիներից 52 հազարից ավելին կանայք և աղջիկներ են, որոնք առավել խոցելի են և առանձնակի ուշադրության ու հոգածության կարիք ունեն։ Կանանցից շատերը կորցրել են իրենց ամուսիններին և ներկայում իրենց ընտանիքի միակ կերակրողն են։ Կանայք նաև շարունակում են մնալ երեխաների, տարեցների հիմնական խնամակալը։ Արցախից բռնի տեղահանված կանանց համար նախատեսված աջակցության ծրագրերի, …

Հայաստանի ազգային հավաքականը ժամանել է Հյուսիսային Մակեդոնիա: ՀՖՖ-ից տեղեկացնում են, որ Հայաստանի հավաքականի կազմում Սկոպյե են մեկնել 21 ֆուտբոլիստներ: Լուկաս Սելարայանը և Նորբերտո Բրիասկո Բալեկյանը, ըստ նախնական պայմանավորվածության, վերադարձել են իրենց ակումբներ: Հավաքականը հոկտեմբերի 16-ին կտեղափոխվի Ստրումիցա քաղաք, որտեղ հոկտեմբերի 17-ին կկայանա Հյուսիսային Մակեդոնիա-Հայաստան ընկերական հանդիպումը: