27.05.2026 | 21:00
Ինչ զինատեսակներ է ՀՀ-ն արտադրել․ RISE-2026 ցուցահանդեսում կցուցադրվեն արտադրանքներ․ ՈՒՇԱԴՐՈՒԹՅԱՆ ԿԵՆՏՐՈՆՈՒՄ
Պաղեստինի նախագահը կհանդիպի Պուտինի հետ՝ քննարկելու իրավիճակը Գազայում
Քաղաքականություն
11.08.2024 | 15:29
Պաղեստինի նախագահ Մահմուդ Աբասը օգոստոսի 12-14-ը կայցելի Մոսկվա, իսկ օգոստոսի 13-ին ակնկալում է հանդիպել Ռուսաստանի առաջնորդ Վլադիմիր Պուտինի հետ։ Այդ մասին ՏԱՍՍ-ին հայտնել է ՌԴ-ում Պաղեստինի դեսպան Աբդել Հաֆիզ Նոֆալը։
«Նախագահը ժամանում է օգոստոսի 12-ի երեկոյան: Երեքշաբթի սպասվում է հանդիպում նախագահ Պուտինի հետ, իսկ մինչ այդ Մահմուդ Աբասը ծաղիկներ կդնի Անհայտ զինվորի շիրիմին: Իհարկե, հանդիպում կլինի արաբական դեսպանների հետ»,- ընդգծեց նա։
Դիվանագետի խոսքով՝ քննարկման հիմնական թեման լինելու է պաղեստինա-իսրայելական հակամարտությունը։ «Կխոսենք Գազայում տիրող իրավիճակի մասին, թե ինչ կարող ենք անել, մենք ունենք շատ բարդ իրավիճակ, և պետք է խորհրդակցենք»,- նշել է Նոֆալը:
