13.05.2026 | 16:00
Հայաստանում հանտավիրուսի տարածման ռիսկը գնահատվում է ցածր․ ՀՎԿԱԿ
«Սուպերմարկետներն այսօր ավելի մարդակենտրոն են, քան գրադարանները». ապաքաղաքական զրույց Ներսես Հայրապետյանի հետ. ՏԵՍԱՆՅՈՒԹ
Հաղորդաշարեր
11.08.2024 | 21:00
Factor TV-ի A-politic հաղորդաշարի հյուրն է Հայաստանի ազգային գրադարանի հանրային կապերի բաժնի վարիչ Ներսես Հայրապետյանը: Նրա կարծիքով՝ հետաքրքրությունը գրքի նկատմամբ պետք է դաստիարակվի, նախևառաջ, տանը, երբ ծնողները երեխաներին հեքիաթ են կարդում, ինչպես նաև, իհարկե, դպրոցում: Այդ խնդիրը բարդանում է նրանով, որ ժամանակակից մարդիկ, հատկապես, դեռահասները, չեն կարող իրենց ուշադրությունը երկար պահել որևէ առարկայի, այդ թվում՝ ընթերցանության վրա:
Հաղորդման հյուրի համոզմամբ՝ բացի մի քանի խոշոր գրադարաններից՝ մնացած նման կառույցները նախագծված չեն որպես գրադարան: Որպես կանոն՝ դրանք բազմաբնակարան շենքերի առաջին հարկերում են տեսակայված, որտեղ գրադարանավարն ու ընթերցողները նստած են նույն սենյակում: Այնինչ ժամանակակից գրադարանը պետք է ոչ միայն գիրք վերցնելու և գիրք հանձնելու տեղ, այլև շփման, քննարկումների, ինտելետուալ ժամանցի վայր լինի:
Այդ առումով կարևորվում է մարդկային գործոնը: Արհեստական բանականությունը, բնականաբար, մի քանի հարյուր անգամ ավելի շատ գրքերի է ծանոթ, քան գրադարանավարը: Բայց, Ներսես Հայրապետյանի համոզմամբ, ընթերցողը կարիք ունի ոչ միայն ինֆորմացիայի, այլև մարդկային շփումների: Եվ որոշ գործառույթների առումով ձևափոխված՝ գրադարանավարի մասնագիտության կարիքը լինելու է նաև հետագայում:
Մանրամասները՝ տեսանյութում:
Արամ Աբրահամյան
